حضرو۔ 20ستمبر (اے پی پی) بنجائی وزیر موسمیاتی بدلی ملک امین اسلم پارینے کہ وزیراعظم عمران خان امریکہ ءِ اڈہ تفرسا محب وطنی نا شاہدی ءِ تس امریکہ اوغانستان آن پیش تمرسا ہموڑے بمباری کریکہ ہراڑآن اوغانستان و پاکستان نا حالیت خراب مسکہ ننا سیاست نا مسخت حلقہ نا الس نا ویل آتا ایسر کننگ ءِ، گورنمنٹ ہائی اسکول نمبر 2انا غٹ ویل آتے ایسر کننگک، چھچھ اٹی کنوئی آ دیر انا خراب مننگ نا سوب آن زڑدوئی نا دین ترندی اٹ تالان مسکہ ہراڑکن حکومت آن 45واٹر فلٹریشن پلانٹ منظور کرفین۔ داخیال آتا درشانی ءِ او چھچھ انا پنی آ سیاسی و راجی شخصیت خان اقبال خان نا کنڈآن تروک آ سوارہ و گورنمنٹ ہائی اسکول نمبر 2حضروٹی 35ءُ نیم لکھ روپئی نا خڑچ آن 4کمرہ غاتا بحالی نا دود اٹی گپ و تران کرسا کرے۔ داکان مست بنجائی وزیر ویسہ ٹی واٹرفلٹریشن پلانٹ نا بناءِ ہم کرے۔ داوخت آ ملک اعجاز، اشفاق خان، ملک سیف الرحمان، محمود خان، حاجی شعیب حمیدی، جاوید خان، ڈاکٹر جاوید، قیصرخان، الطاف خان لودھی، محمد نسیم خان آن بیدس ایلو شرفمند آ علاقہ ہم ساڑی ئسر۔ داکان مست بنجائی وزیر ہراتم گورنمنٹ ہائی اسکول نمبر 2آسرمس تو ہموڑے اسکول نا چناک و پرنسپل محمد الطاف چیئرمین نزاکت حسین، طارق ٹوانہ، نورخان، محمد نسیم خان، ڈاکٹر جاوید خان، محمود خان و ایلوفک اودے بخیر کریر۔ پرنسپل محمد الطاف بنجائی وزیر ءِ پارے کہ کیہی سال آتیان ننا اسکول بورڈ انا امتحان تیٹی اولیکو پوزیشن ءِ دوئی کننگ ءِ داڑے امتحان تیکن بھلو ہال اس اف ہرانا منظوری ءِ تننگے تانکہ چناک ہنداڑی امتحان تے آسانی اٹ تننگ کیر۔ ملک امین اسلم تینا تران اٹی پارے کہ حکومت تعلیم نا بشخ آ ہم خاص چکار کننگ ءِ اسکول کن ہال ہم زوت منظور کننگک۔
