اسلام آباد۔ 20ستمبر (اے پی پی) چین سی پیک نا سرسہب پوروی کن پاکستان تون اواری اٹ کاریم کننگ نا عزم انا درشانی ءِ کرینے۔ اسلام آباد اٹی چینی سفارت خانہ نا کنڈآن جاری بیان اٹی پاننگانے کہ چین داڈٹ اکن سازگار چاگڑد ودی کننگ و تین پہ تینی فائدہ غاتے ٹی ہڑتوم آ کنڈآتا عملی کمکاری کن پاکستان تون کاریم کننگ کن تیار ءِ۔ چین اسہ وار ولدا تینا دا عزم انا درشانی ءِ کرینے کہ او چین پاکستان اقتصادی راہداری نا اسیجائی ڈٹ آتا سرسہب پوروی کن حکومت پاکستان تون اواری اٹ کاریم کیک۔ بیان نا رداٹ چین وزیراعظم عمران خان حکومت پاکستان نا چین پاکستان عملی کمکاری و دامسخت کن اونا مثبت کوشست آتے قدر انا نظر اٹ ہرک۔