سی پیک نا رداٹ پوسکن آ میگا پروجیکٹ آتا تفنگ آن روڈ نیٹ ورک، ات ودر و لاجسٹک نا آب گچین مریک، کمامدارسی پیک اتھارتی

اسلام آباد۔ 20ستمبر (اے پی پی) چین پاکستان اقتصادی راہداری (سی پیک) نا بناغان پد داتم اسکان کم و ود 1100کلومیٹر مرغن نیٹ ورک پورو مسنے وخت اس کہ 850کلومیٹر مریس تفنگ انگ ءِ۔ سی پیک اتھارٹی کمامدارآتارداٹ پوسکن آ موٹروے و شاہراک داسہ پبلک پرائیویٹ پارٹنر شپ پالیسی نا کمک اٹ تفنگ انگ ءُ۔ سی پیک نا رداٹ پوسکن آ میگا پروجیکٹ آتا تفنگ آن پاکستان تینا درجہ بندی و آب اٹ نمان وڑاٹ پین گچینی اتیک۔ سی پیک و نیشنل ہائی وے اتھارٹی (این ایچ اے) نا رداٹ روڈ پروجیکٹ آتا شونداری آن نئے بیرہ ملک انا درجہ بندی ٹی گچینی بریک بلکن داڑآن روڈ نیٹ ورک، ات ودر و لاجسٹک نا آب ہم گچین مریک۔ 69کلومیٹر مریس سیالکوٹ۔ کھاریاں موٹروے و 62کلومیٹر مریس ملتان۔ لودھراں ہائی وے نا تفنگ نا ہم بنامسنے۔ وخت اس کہ سکھر۔حیدرآباد موٹروے نا تفنگ اینخو سال اٹی بناکیک۔ سندھ وپنجاب آن بیدس صوبہ خیبرپختونخواو صوبہ بلوچستان اٹی سی پیک دیکی روٹ آ کاریم ترندی اٹ برجاءِ۔ سی پیک نا رداٹ پوسکن آ روڈ نیٹ ورک پاکستان نا ایران ہن و براٹی گچینی بریک۔ سی پیک دیکی روٹ آ کاریم آن بلوچستان و صوبہ خیبرپختونخوا نا بھاز کم شون ہلوک علاقہ غاتے فائدہ مریک۔ سی پیک روڈ نیٹ ورک آن داعلاقہ غاتے ٹی زرگزرانی سرجزآتے مون آ دننگ اٹ کمک رسینگک۔ ملک انا کم شون ہلوک علاقہ غاتے ٹی روڈ انفراسٹرکچر ڈٹ انا بناءِ کننگ انگ ءِ تانکہ اوفتے ایلو شون ہلوک علاقہ غاتا بریبر اتنگ مرے۔ ساڑی ہی ٹی وزیراعظم عمران خان 103کلومیٹر مرغن نوکنڈی۔ماشوخیل روڈ انا بناءِ کریسس۔ این 40ءِ این 85و ایم 8اتون گنڈنگ آن پد، (سی پیک دیکی روٹ) چاغی۔ نوکنڈی سیکٹر ءِ گوادر تون گنڈنگ آن مچ آ مرمرانگا ڈیہہ ملنگک۔ وزیراعظم نا رداٹ نوکنڈی۔ماشوخیل ڈٹ بلوچستان نا تالان مروک آ آبادی کن اسہ بھاز بھلو آسراتی اس مریک۔ دابلوچستان نا شونداری و آخبت و پاکستان نا فیڈریشن ءِ سوگو کننگ کن بھاز اہمیت تخک۔