اسلام آباد۔19ستمبر (اے پی پی):صدر مملکت ڈاکٹر عارف علوی ءَ بیکنگ کیاسگری بینک آنں شکاست کنوک آنی کائونٹ ءِ تہ ءَ 12 لکھ کلدار جم کنائینگ ءِ پیسلہ ءَ را برجا داشت۔ ایوان ءِ صدر ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ پرائیویٹ بینک آناں بینک آں بینکنگ محتسب ءِ پیسلہ ءِ ھلاپ ءَ صدر مملکت ڈاکٹر عارف علوی ءَ را دزبندی جم کتگ بوتگ۔ یات دارگ بہ بیت کہ نجمہ سلطانہ ، زاہد شاہ ءُ طارق محمود چوہدری نامی مردمے ءِ اکائونٹس ءَ چہ 12 لکھ کلدار زر در کنگ بوتگ چیا کہ شکاست کنوک ءَ را ڈنگ آں ٹیلی فون کتگ ءُ آئی بینک اکائونٹس ءِ سرجمیں ھال گوشتگ ءُ پکا کتگ انت۔ یات دارگ بہ بیت کہ شکاست کنوک ءَ وتی بینک ءِ نیمگ ءَ چہ آن لائن بینکگ ءِ آسراتی گون نہ بوتگ۔ ڈنگاں آئی اکائونٹ ءَ را ساپ کتگ۔ بینکنگ محتسب ءَ پرائیویٹ بینک ءَ را زر آنی واپس کنگ ءِ حکم داتگ بوتگ ءُ وتی پسیلہ ءِ تہ ءَ گوشتگ کہ بینک آناں وتی کسٹومر آناں زانگ ءُ سرپدی دیگ بینک آنی زمہ واری انت۔ صدر ءِ مملکت ڈاکٹر عارف علوی ءَ پروئیویٹ بینک آنی نیمگ ءَ داتگیں دزبندی ءِ تہ ءَ گوشتگ کہ کسٹومر ءِ اجازت ءَ بگیر الیکٹرانک فنڈ ٹرانسفر پجاری کنگ ءِ سبب ءَ زر آنی ڈنگی جنگ بوتگ۔ آئی ءَ گوشت کہ بینک کانود ءِ پد ءُ رند کنگ ءِ ھوالگ ءَ مسل ءِ پیش کنگ ءَ ناکام بوتگ انت۔ ھمے رنگ ءَ صدر مملکت ڈاکٹر عارف علوی ءَ بینکنگ محتسب ءِ پرائیویٹ بینک آناں شکاست کنوک ءِ کاونٹ ءَ 12 لکھ کلدار ءِ زر جم کنائینگ ءِ پیسلہ ءَ را برجا داشتگ۔
