جمہوریت ، پارلیمنٹ ءِ  شرپ ءَ را برجا دارگ ءُ  ساپ ءُ سلہ ایں گچین کاری ءِ واستہ ٹیکنالوجی  ءِ کارمرز کنگ  لوٹ ایت، بنجاھی وزیر شبلی فراز

اسلام آباد۔19ستمبر  (اے پی پی): بنجاھی وزیر سائنس ءُ ٹیکنالوجی سینیٹر شبلی فراز ءَ گوشت کہ مزن وزیر عمران خان  ءِ پنت ءُ شون ءِ پد ءَ  الیکٹرانک ووٹنگ مشین، ای وی ایم ءِ وسیلگ ءَ گچین کاری کنائینگ ءِ کشگ  پیش دارگ بوتگ، جمہوریت، پارلیمنٹ ءِ شرپ ءَ را برجا دارگ   ءُ ساپ ءُ سلہ ایں گیچین کاری  ءِ واستہ ٹیکنالوجی ءِ کارمرز کنگ  لوٹ ایت، گوست ءَ گچین کاری آنی  تہ ءَ  جیڈھ ءُ دھاندلی آنی سبب ءَ حکومت  ھمزور بوتگ انت ءُ بازیں وھد ءُ پاس ءَ تاں سیاسی ڈکال ءُ جیڈھ مان اتگ انت۔ الیکشن کمیشن  ءَ را سہرا کنگی انت کہ آ اے  جیڈھ ءِ ھوالگ ءَ  پکوئی ءَ کار کنگ لوٹ انت  ، اے ھیالانی درشانی بنجاھی وزیر  شبلی فراز ءَ یک شمبے ءِ روچ ءَ اسلام آباد ءَ پریس کانفرنس ءَ گوں  تران کنان ءَ کت۔