راولپنڈی ۔19ستمبر (اے پی پی):مصر ءَ بوھوکیں اردی ایکسرسائز ” برائٹ سٹار 2021″ ءَ پاکستانی سئیں سلاھ بندیں ارد آنی ٹروپ آں بھر زوری کت۔ سلاھ بندیں ارد ءِ شوبگ آئی ایس پی آر ءِ نیمگ ءَ یک شمبے ءِ روچ ءَ پریس ریلیز ءِ رد ءَ پاکستان ءِ سرڈگاری، زرئی ءُ بالی ارد ءِ ٹروپ آں 2009 ءَ چہ پد اولی رند ءَ اردئی ایکسرسائز برائیٹ سٹار 2021 ءَ بھر زوری کتگ۔ ایش مصر ءَ محمد نجیب ملٹری بیس ءَ برجم دارگ بوھگ ءَ انت۔ ایکسرسائز ءِ تہ ءَ مصر، امریکہ، پاکستنا ، سعودی عرب، اردن ، قبرص ، عراق ، بحرین ، سوڈان ، مراکش ،کینیا ، اٹلی ، سپین ، برطانیہ ، یونان ، کویت ، متحدہ عرب امارات ، تیونس ، نائیجریا ، تنزانیہ ءُ فرانس ءَ ھوار 20 ملک آنی اردی ٹروپ بھر زوری کنگ ءَ انت۔ اردی ایکسرسائز برائٹ اسٹار 1980 ءَ تاں یک شل برجم دارگ بوھگ ءَ انت، انجینئر انچیف لیفٹیننٹ جنرل معظم اعجاز ءَ مصر ءِ چیف آف سٹاف لیفٹیننٹ جنرل محمد فرید ءُ ائیر کمانڈر محمد عباس حلمی ءَ ھم گند ءُ نند کت۔
