اسلام آباد۔19ستمبر (اے پی پی):پاک اوگان کمکی فورم پی اے سی ایف ءَ بنی آدم دوستی بنیات ءَ کمک ءِ رد ءَ 300 ٹن وردن ءُ وراکی سامان ءَ چہ پُریں 17 ٹرک اوگانستان ءَ روادگ کتگ انت۔ پاک اوگان کمکی فورم پی اے سی ایف ءِ چیئرمین حبیب اللہ خان خٹک ءَ پاک اوگان بارڈر طور خم ءِ سر ءَ پریس بریفنگ ءِ ساھت ءَ گوشت کہ اوگان مئے مسلمانیں برات انت ءُ ھمساھگ انت ایشانی گوما مئے کرناں چہ سیادی ءُ یکوئی برجا انت۔ آئی ءَ گوشت کہ 40 سال ءِ دراج بُریں جنگ ءَ اوگانستان ءِ معیشت، کشت ءُ کشار ءُ انتظامی بنیات ءِ کوکا ءَ را تباہ کتگ ءُ میاں اوستمانی کمکی ادارگ آنی اناگہ ءَ در کپگ ءَ چہ سرجمیں آباتی ھوپ ءُ ترس ءَ گوں آماچ بوتگ گوستگیں سال ءَ ڈکال ءَ چہ مرد سک باز پریشان بوتگ انت اے سبب ءَ بنی آدمی ڈکال ءِ ودی بوتگ۔ آئی ءَ گوشت کہ پاکستان ءَ اوگان شہر آنی واستہ بنی آدم دوستی بنیات ءَ کمک ءِ رد ءَ 300 ٹن وردن ءُ وراک روادگ کتگ۔
