نیوزی لینڈ ءِ ٹیمب ءَ را فول پروف سیکورٹی پجاری کنگ بوتگ، مریم نواز ءَ نیوزی لینڈ کرکٹ ٹیمب ءِ تر ءُ تاب ءِ رد کنگ ءِ پد ءَ تژنی ٹویٹ کنگ آئی جھل کپتگیں سسا ءَ را درشان کنت، وزیر ءِ مملکت اھوالکاری فرخ حبیب ءِ میڈیا ءَ گوں تران

فیصل آباد۔18ستمبر  (اے پی پی): وزیر ءِ مملکت اھوالکاری ءُ شنگ کاری فرخ حبیب ءَ گوشت کہ پاکستان ءَ کانود ءَ را مھکم داروکیں ادارگ آنی نیمگ ءَ نیوزی لینڈ ءِ ٹیمب ءَ را فول  پروگ سیکورٹی پجاری کنگ بوتگ بلے ٹیمب ءَ اناگہ ءَ واپسی ءِ پیسلہ  ءَ چہ پاکستانی راج ءَ را  سک باز مایوسی بوتگ،  دم پہ ساھت گوشگ ءَ ابید اچ شاھدی پجاری یا سیکورٹی تھریٹ انفارمیشن شیئر کنگ نہ بوتگ، مریم نواز ءَ   نیوزی لینڈ ءِ  ٹیمب ءِ واپسی  ءِ ھوالگ ءَ تژنی ٹویٹ کنگ  آئی جھل کپتگیں  سسا  ءِ درشان ءَ کنت۔  آئی ءَ یک رند ءِ  پد ءَ سہرا کتگ کہ شریف ھاندان ءَ را پاکستان ءِ پاسپورٹ ءِ شرپ اچ نیست انت۔ شمبے ءِ روچ ءَ نیم روچ ءَ مدینہ مسجد سمن آباد فیصل آباد ءَ اخوت ءِ نیمگ ءَ گریب ھاندان آناں بے سُت ءَ وام بھر ءُ بانگ کنگ ءِ مراگش ءِ موہ ءَ  میڈیا ءَ گوں تران کنان ءَ کت۔