یک مھکمیں ایمنیں ءُ برجمیں اوگانستان ناں ایوک ءَ پاکستان بلکینگ ءَ سرجمیں پڑ ءِ واستہ سک باز ارزشتی انت، شاہ محمود قریشی ءِ کیینیٹین ھمکار ءَ گوں ٹیلی فون ءِ سر ءَ تران

اسلام آباد۔18ستمبر  (اے پی پی): وزیر ءِ درئی کار مخدوم شاہ محمود قریشی ءَ گوشت کہ یک ایمنی ءُ برجمیں اوگانستان ناں ایوک ءَ پاکستان بلکینگ ءَ سرجمیں  پڑ ءِ واستہ سک باز ارزشتی انت۔   پڑے ایمنی ءُ برجائی ءِ واستہ  ایمنی المی انت۔  اے ھیالانی درشانی آئی ءَ  کینیڈا ءِ وزیر ءِ درئی کار مارک گارنیو ءَ گوں ٹیلی  فونک تران ءِ ساھت ءَ کت۔  تران ءِ ساھت ءِ دوئیں وزیر ءِ درئی کار آنی نیام ءَ دو نیمگی یکوئی ءُ اوگانستان ءِ سہرا بوھوکیں جاور ھال آنی سر ءَ  ھیال ریچی کنگ بوت۔ وزیر ءِ درئی کار ءَ گوشت کہ یک ایمنی ءُ برجمیں اوگانستان ناں  ایوک ءَ پاکستان بلینگ ءَ سرجمیں پڑ ءِ واستہ سک باز المی انت۔  آئی ءَ کینیڈین وزیر ءِ درئی کار ءَ را اوگانستان ءِ جاور ھال آنی سر ءَ  وت مہ وت تپاکی کار رپک ءِ واستہ کتگیں چار ملکی ےتر ءُ تاب آنی بابت ءَ سرپد ءُ سئیگ کت۔ شاہ محمود قریشی ءَ اوگانستان ءَ ایمنی   ءِ ارزشت  ءَ سہرا کت۔    آئی ءَ گوشت کہ میاں اوستمانی دگنیا اوگانستان ءِ معاشی ءُ بنی آدم آنی کمک ءِ واستہ دیم ءَ بہ جنز انت۔