اسلام آباد۔18ستمبر (اے پی پی): مزن وزیر عمران خان ءَ گوشتگ کہ اوگانستان ءَ ٹوھیں حکومت ءِ برجائی ءِ واستہ آئی ءَ طالبان حکومت ءَ گوں سول ءُ تران ءِ بنگیج کتگ، مھکمیں حکومت ایمنیں ءُ برجمیں اوگانستان ءِ درور بیت ایش ایوک ءَ اوگانستان ناں بلکینگ ءَ پڑے سیت ءِ واستہ انت۔ آئی ءَ اے گپ شمبے ءِ روچ ءَ ٹویٹر ءِ سر ءَ جاڑیگیں ٹویٹس ءَ گوشتگ انت۔ مزن وزیر ءَ گوشت کہ دو شنبے ءَ اوگانستان ءِ ھمساھگیں ملک آنی سروک آں گوں گند ءُ نند ھاسیں رنگ ءَ تاجکستان ءِ صدر امام علی رحمانوف ءَ گوں دراج بُریں گپ ءُ تران ءَ چہ پد آئیءَ یک ھواریں حکومت ءِ رد ءَ تاجک، ہزارہ ءُ ازبک برات آنی اوگان حکومت ءَ ھواری ءِ واستہ طالبان ءَ گوں سول ءُ تران ءِ بندات کتگ۔ مزن وزیر ءَ گوشت کہ 40 سال ءِ جنگ ءَ چہ پد (اے گروپ آنی سروکی ءَ) ھوار بوھگ یک ایمنیں ءُ برجمیں اوگانستان ءِ درور بیت ایش ایوک ءَ اوگانستان ناں بلکینگ ءَ پڑے ھم سیت ءِ واستہ انت۔
