راولپنڈی ۔18ستمبر (اے پی پی):پاک فوج ءِ ٹروپ آں چین ءِ پیپلز لبریشن آرمی ءِ ٹریننگ بیس ءَ برجم بوھوکیں یونائیٹڈ نیشن ءِ ایمنیں مشن ءِ ایکسرسائز ” یکجائی منزل-2021″ ءَ بھر زوری کتگ۔ پاک جوج ءِ شوبگ آئی ایس پی آر ءِ نیمگ ءَ شمبے ءِ روچ ءَ ادا رستگیں پریس ریلیز ءَ گوشگ بوتگ کہ پاکستان، چین، منگولیا ءُ تھائی لینڈ ءِ فوجی دستہ ءَ اے میاں اوستمانی راجی مشن ءَ بھر زوری کنگ ءَ انت۔ اے ایکسرسائز ءَ جتا جتائیں مشن ءَ یونائیٹڈ نیشن ءِ ایمنی ٹروپ آنی نیمگ ءَ ڈیوٹی ءُ کاروائی ءِ ھیل کاری ءِ نیمگ ءَ دلگوشی دیگ بوتگ۔ توامیں شریک آں پاکستانی ٹروپ آنی ھوار بوھگ ، آوانی ازمکار ءِ کد ءُ بالاد ءُ یونائیٹڈ نیشن ءِ ایمنیں مشن ءِ کاروائی آنی تہ ءَ پاکستان ءِ مزنیں کساس ءَ ھوار بوھگ ءَ را ساڑتگ۔
