اسلام آباد۔18ستمبر (اے پی پی): مزن وزیر ءِ ھاسیں نماھندگ برائے نیک راھی وت مہ وتی ءُ پاکستان علما کونسل ءِ چیئرمین حافظ محمد اشرفی ءَ شمبے ءِ روچ ءَ درئی کار شاہ محمد قریشی ءَ گوں ملکی ءُ دمگی جاور آنی بابت ءَ گند ءُ نند کت۔ پاکستان علماء کونسل ءِ نیمگ ءَ جاڑیگیں بیان ءَ گوشگ بوت کہ گند ءُ نند ءِ ساھت ءَ اوگانستان ءَ ھوار ارزشتی ایں کار آنی بابت ءَ ھیال ریچی کنگ بوت۔ پاکستان ءِ درئی کارانی پالیشی ءِ کامیاتی آناں سرجمیں دگنیا چارگ ءَ انت، اوگانستان فلسطین کشمیر ءِ جیڈھ ءِ ھوالگ ءَ پاکستان ءِ بن گپ ءَ را ھمک جاہ ءَ تسلیم کنگ بوھگ ءَ انت۔ پاکستان توامیں ممبر ءُ سلامیہ ءُ عرب ملک آنی گوما توامیں شوبگ آنی تہ ءَ یکوئی ءَ را گہتری پیداک کنگ ءَ انت، گوست ءِ رد ءَ مرچی مئے عرب اسلامی ملک آنی گوما یکوئی باز گہتر انت۔ گند ءُ نند ءَ عرب ءُ اسلامی ملک آنی گوما یکوئی آنی تہ ءَ گیش گہتری ءِ واستہ ھم کوشست آناں ودینگ ءِ ھوالگ ءَ تپاک کنگ بوت۔
