اسلام آباد۔18ستمبر (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ اوگانستان ءَ اینی ناں ایوک ءَ طالبان بلکینگ ءَ پڑ ءِ سیت ءِ واستہ انت، مزن وزیر عمران خان ءُ تاجک صدر مام علی رحمانوف طالبان ءُ تاجک آناں نزیک آرگ ءَ وتی کرد ءَ پیلو کناں، تاجکستان ءِ صدر ءَ را سرجمیں دگنیا ءَ تاجک شرپ ءُ ازمت ءِ چماں چار ایت، نوکیں اوگان حکومت ءَ تاجک آناں ھوار کنگ ءِ کوشست کنگ بیت۔ شمبے ءِ روچ ءَ اوگانستان ءِ ھوالگ ءَ تران کنان ءَ بنجاھی وزیر اھوالکاری چوہدری فواد حسین ءَ گوشت کہ تاجکستان ءِ صدر ءَ مزن وزیر عمران خان ءَ گوں گند ءُ نند ءِ ساھت ءَ دوئیں گروپ آناں وت مہ وت نزیک آرگ ءَ واھگ ءِ درشان کتگ۔ طالبان ءَ گوں سول ءُ تران ءِ جار راجدپتری گامگیج ات۔
