دوشنبے ۔17ستمبر (اے پی پی): مزن وزیر عمران خان ءَ گوشت کہ اوگانستان ءَ ایمنی ءُ برجائی ناں ایوک ءَ پاکستان ءُ تاجکستان بلکینگ ءَ سرجمیں پڑ ءِ سیت ءِ واستہ انت، اوگانستان ءَ اے رنگیں ٹوھیں حکومت ءِ برجا بوھگ ءِ ضلورت انت ایشی ءَ توامیں گروپ آنی سروکی کنگ ءِ ازم بہ بیت، اوگانستا ءِ دوستیں ءِ بستا ءَ ما پنج شیر ءِ جیڈھ ءَ را ایمنی ءِ گوما گیوار کنگ ءِ واھشت ایگ آں، پاکستان اے رد ءَ پشتون گروپ وھدیکہ تاجکستان تاجکو آنی سر ءَ وتی سیادئی ءُ یکوئی آناں کارمرز کنت انت۔ اے ھیالانی درشانی آئی ءَ آدینگ ءِ روچ ءَ ادا پاکستان ءُ تاجکستان ءِ نیام ءَ جتا جتائیں شوبگ آنی تہ ءَ سیت آنی یات گیر آنی سر ءَ دست چنگل جنگ ءَ چہ پد تاجکستان ءِ صدر امام علی رحمانوف ءِ ھمبراھی ءَ یکجائی پریس کانفرنس ءَ گوں گشتانک دیان ءَ کت۔ مزن وزیر عمران خان ءَ شنگھائی کمکی گل (ایس سی او) ءِ کامیاتیں برجائی ءِ پد ءَ تاجکستان ءِ صدر ءَ را مبارک باتی پیش کناں۔ آئی ءَ تاجکستان ءَ را وتی ءُ وتی ڈل ءِ گہتریں میزبانی ءِ پد ءَ تاجکستان ءِ صدر ءِ شگر ءُ منت واری گپت۔ مزن وزیر ءَ گوشت کہ دوئیں ملک آنی نیام ءَ تجارت ، سیل ءُ سواد ، اھوالکاری ، دوا ءُ درمان ءِ جوڑ کنگ جتا جتائیں شوبگ آنی تہ ءَ کمک آنی سر ءَ ھیال ریچی کنگ بوت۔ آئی ءَ گوشت کہ دوئیں ملک آنی نیام ءَ اوگانستان ءِ جاور ھال آنی سر ءَ گپ ءُ تران کنگ بوت۔ آئی ءَ گوشت کہ اوگانستان ءَ ایمنی ءُ برجائی ناں ایوک ءَ پاکستان ءُ تاجکستان بلکینگ ءَ سرجمیں پڑ ءِ واستہ ضلوری انت۔ مزن وزیر ءَ گوشت کہ اوگان الس 40 سال ءَ چہ مشکل آنی آماچ انت، ایشرا ایمنی ءِ ضلورت انت۔ مزن وزیر ءَ گوشت کہ پنچ شیر ءَ طالبان ءُ تاجک آنی نیام ءَ جیڈھ ءِ ایمنی ءَ گوں گیواری ءِ واستہ سلاھ کار ءِ رد ءَ گپ ءُ تران کنگ بوت۔ ایشی ءَ پد مزن وزیر عمران خان ءَ پاکستان وھدیکہ امام علی رحمان ءَ تاجکستان ءِ نیمگ ءَ جتا جتائیں شوبگ آنی تہ ءَ تپاک نامہ آنی سر ءَ دست چنگل جنگ بوت ءُ مسل آنی دیگ ءُ زورگ بوت۔ دوئیں ملک آنی نیام ءَ درئی کار، صنعتی کمک، دوسرئی ٹیکس آں چہ بچگ، منی لانڈرنگ، ناشرکار آن مالی کمک ءِ گر ءُ دار، فنانشل انٹیلی جنس، سیل ءُ سواد ءُ لیب ءُ گواری، اھوالکاری ءَ ھوار جتا جتائیں شوبگ آنی تہ ءَ کمک ءِ دیمروئی ءِ واستہ تپاک نامہ آنی سر ءَ دست چنگل جنگ بوت۔ تاجک ھال رسانکی در ءُ پاکستان ءِ راجی ھال رسانکی در ایسو سی ایٹڈ پریس آف پاکستان (اے پی پی) ءِ نیام ءَ تپاک نامہ آنی سر ءَ دست چنگل جنگ بوت۔ جتا جتائیں تپاک نامہ آنی سر ءَ دست چنگل ءَ چہ دوئیں ملک آنی نیام ءَ کمک آناں دیمروئی رسیت۔
