اسلام آباد۔17ستمبر (اے پی پی): تہی کارانی بنجاہی وزیر شیخ رشید احمد ءَ گشتگ کہ نیوزی لینڈ کرکٹ ٹیم ءِ ترءُ تاب مھتل بوہگ یک پندل اِت، ایچ وڑیں سکیورٹی ءِ جیڑہ نیست، نیوزی لیڈ ءِ کرکٹ ٹیم ءَ را مئے سکیورٹی ادارگاں فول پروف سکیورٹی داتگ۔ جمعہ ءِ روچءَ تہی کارانی وزارت ءِ میڈیا سیل ءَ پریس کانفرنس ءَ گوں تران کتگ ء ُ شیخ رشید احمد ءَ گشتگ کہ پاکستان ءِ درائیں سکیورٹی ادارگ ایس ایس جی ء ُ 4 ہزار پولیس اُرداں سکیورٹی داتگ ء ُ مئے ادارگانی کِرءَ ایچ وڑیں سکیورٹی تھریٹ ءِ حال نیست کہ نیوزی لینڈ ءِ سیکیورٹی انچارج ءِ نیمگ ءَ گشگ بوتگ۔ آئی ءَ گشتگ کہ مزن وزیر عمران خان دوشنبے ءَ یک حاسیں درملکی دیوانے ءَ بوتگ کہ آئی ءَ را جاورھال ءَ چہ سرپد کنگ بوتگ ۔ مزن وزیر عمران خان ءَ نیوزی لینڈ ءِ مزن وزیر ءَ را کال کتگ ءُ آئی ءَ را کرکٹ ٹیم ءَ را ہرچ وڑیں سیکیورٹی دیئگ ءِ گامگیجانی ہوالگ ءَ سرپد کتگ ءُ حال داتگ کہ پاکستان ءَ نیوزی لینڈ ءَ را ایچ وڑیں تُرس ء ُ حترہ نیست ءُ پاکستان ءِ سکیورٹی گامگیجانی سرءَ سدکی ءِ درشانی ہم کنگ بوتگ۔ نیوزی لینڈ ءِ یک سیکیورٹی ٹیمے ہم پاکستان ءَ اَتکگ ءُ آئی ءَ پاکستان ءِ سیکیورٹی گامگیجانی سرءَ سدکی ءِ درشانی ہم کتگ۔ بھارتی میڈیا پاکستان ءِ حلاپ ءَ پندل سازگ ءَ اِنت بلے پاکستانی راج راجی سلامتی ءِ جیڑہ ءِ سرءَ محکم اِنت ء ُ عمران خان ءِ سروکی ءَ سدک اِنت۔
