سیاچن (گیاری )۔17ستمبر (اے پی پی): تہی کارانی بنجاہی وزیر شیخ رشید احمد ءَ گشتگ کہ پاک فوج ءِ ورناہ آں ملکی دیمپانی ءِ ھاترءَ بے مٹیں قربانی داتگ، سرجمیں راج ءَ را پھر اِنت۔ جمعہ ءِ روچءَ تہی کارانی بنجاہی وزیر شیخ رشید احمد ءَ سیاچن ءِ ترء ُتاب کتگ ء ُ شہید آنی یات گار ءِ سرءَ ساڑی بوتگ ءُ پُھلانی چادر پِرداتگ۔ تہی کارانی وزیر شیخ رشید احمد ءَ گیاری ءَ برپ ءِ بانڈم ءِ وئیل ءَ شہید بوتگیں پاک فوج ءِ ورناہ آناں داد ء ُسلام پیش کتگ۔ تہی کارانی وزیر ءَ اے موہ ءَ پاک فوج ءِ ورناہ آں گوں تران کتگ ء ُگشتگ کہ پاکستان ءَ را شمئے سرءَ پھر اِنت، شمئے قربانی آں چہ پاکستان جوڑ اِنت، اَست اِنت، ملکی دیمپانی کنگ ءَ پاک فوج ءِ ورناہ آں بے مٹیں قربانی داتگ کہ سرجمیں راج ءَ را پاک فوج ءِ سرءَ پھر اِنت۔ آئی ءَ گشتگ کہ سیاچن ءَ فرنٹ پوسٹ ءِ سرءَ پاک فوج ءِ ورناہ آں گوں گندء ُ نند کنگ منی دیریگیں وابے بوتگ ، خُدا ءِ شکرءَ گراں کہ منی اے وائشت پیول بوت۔ تہی کارانی وزیر ءَ را گیاری برپ ء ِ بانڈم ءِکپگ ءِ وئیل ءِ سرءَ شونست ہم دیئگ بوتگ ء ُ یات گاری شیلڈ ہم دیئگ بوتگ۔ سیاچن ءِ ترءُ تاب ءِ وہد ءَ تہی کارانی وزیر شیخ رشید احمد ءَ گیانگ ءِہم ترء ُتاب کتگ۔
