دوشنبہ ۔17ستمبر (اے پی پی): مزن وزیر عمران خان ءَ گوں چینی وزیر ءِ درئی کار وانگ یی ءَ گند ءُ ند کت۔ اے گند ءُ نند آدینگ ءِ روچ ءَ شنگھائی کمکی گل ءِ سرول دیوان ءِ موہ ءَ کنگ بوت۔ گند ءُ نند ءَ پاک چین دو نیمگی یکوئی، سی پیک ءُ دمگی جاور ھال آنی ھوالگ ءَ ھیال ریچی کنگ بوت۔ مزن وزیر عمران خان ءَ گوں گند ءُ نند ءَ چین ءِ صدر ءُ مزن وزیر ءِ واستہ نیکیں واھشت آنی کلوہ دات۔ آئی ءَ گوشت کہ پاکستان ءُ چین یک ءِ دومیگ ءِ سک باز نزیک انت ءُ شریکدار انت۔ آئی ءَ کوویڈ-19 ءِ ھوپ ءِ ساھت ءَ چین ءِ نیمگ ءَ پاکستان ءِ گوما کتگیں کمک آناں ساڑات۔ مزن وزیر ءَ گوشت کہ سی پیک یک ٹوھیں منصوبگ ات، ءُ دوئیں نیمگ ءَ ایشی ءِ زوتیں سرجمیں ءِ واستہ کوشست بوھگ ءَ انت۔ مزن وزیر ءَ گوشت کہ ایمنیں ءُ برجمیں اوگ اگانستان پاکستان ءُ پڑ ءِ واستہ سک باز المی انت، پاکستان ءَ اوگانستان ءَ ایمنی ءِ واستہ بازی کمک کتگ ، پاکستان ءُ چین ءَ یک مھکمیں دمگی اپروچ ءِ واستہ اوگانستان ءِ 6 ھمساھگیں ملک آںی دیوان ءِ گوانک جنگ ءِ واستہ یکجائی ءَ کا ر کتگ۔ مزن وزیر عمران خان ءَ گوشت میاں اوستمانی برات آناں اوگان الس آنی کمک ءِ واستہ کوشست آناں جاڑی دارگ لوٹ ایت ءُ اوگانستان ءَ بنی آدمی ڈکال ءَ چہ رکھگ ءُ معیشت ءِ مھکمی ءِ واستہ گامگیج کنگ لوٹ ایت۔ گند ءُ نند ءَ اے جزم ءِ سر ءَ تپاک کنگ بوت کہ دوئیں نیمگ ءَ مزن تکی روگ ءُ آیگ آناں جاڑی ءُ یکجائی واھگ آنی توامیں کار آنی سر ءَ نزیکیں رابطہ آناں جاڑی داراَنت۔
