دوشنبے۔ 17ستمبر (اے پی پی) وزیراعظم عمران خان پارینے کہ 4دہائی آن پد اوغانستان اٹی امن و سوگوی بسنے، دُن انگا وخت آ منفی پروپیگنڈا نسخان دہ مریک۔ داخیال آتا درشانی ءِ او جمعہ نادے آ داڑے کولیکٹو سیکورٹی ٹریٹی آرگنائزیشن دیوان آن تران کرسا کرے۔ وزیراعظم پارے کہ اوغانستان اٹی بیدس خون خرابہ و پھسات آن اقتدار نا منتقلی مسنے۔ اوپارے کہ اوغانستان ءِ زرگزرانی وڑاٹ سوگو کننگ اسہ بھلو چیلنج اسے۔ ڈیہہ نا امن اوغانستان اٹی امن تون وابستہ ءِ۔ اوپارے کہ جہانی برادری اوغانستان اٹی پوسکن آ راستکی تا ادراک ءِ کے۔ ننے داہیت انا باور کرفوئی مریک کہ اوغانستان دُوارہ دہشت گردآتا آماجگاہ مف۔ اوجہانی برادری آ زور شاغا کہ دامشکل وخت اٹ اوغان الس نا کمک ءِ کے۔ وزیراعظم پارے کہ سیاسی و علاقائی وتعلقداری آن ایڑتر اوغان الس نا شونہالی کن سجفوئی مریک۔
