اسلام آباد۔ 17ستمبر (اے پی پی) بنجائی وزیر خزانہ شوکت ترین پارینے کہ سرسہب پاکستان پروگرام راج انا اقتصادی وڑاٹ نزور تپہ غاتا حالیت اٹ گچینی و مخلوق ءِ مالی وڑاٹ واکدار کننگ نا بابت حکومت نا اہم ءُ پروگرام اسے۔ ملکی تاریخ اٹ اولیکو وار بینک آتے چنکا وام فراوان کروک آ ادارہ غاتا کمک اٹ راج انا زرگزرانی وڑاٹ نیزگار و نزور تپہ غاتے سوگو کننگانے۔ اوداہیت ءِ جمعہ نادے آ داڑے سرسہب پاکستان پروگرام نا سٹیئرنگ کمیٹی وسلابتی بورڈ انا دیوان آن تران کرسا پارے۔ دیوان اٹی غٹ تعلقدار شریدار آتا سلابت اٹ سرسہب پاکستان پروگرام نا ڈیزین و خدوخال نا جاچ ءِ ہلنگا و دانا منظوری ءِ تننگا، دیوان اٹی سرجم سلابت آن پد فیصلہ کننگاکہ ہول سیل لینڈرز (بینکس) آتا گچینی کن نیلامی نا جامع وڑوڈول اس اختیار کنگک ہرا چنکا وام فراوان کروک آ ادارہ غاتون مربوط مریک۔ فنڈ آتا بشخنگ نا بابت سہ ہول سیل لینڈرز(بینکس) آتا کارکڑد نا سہ ماہی بنداو تیا جاچ ءِ ہلنگک۔ حکومت بینک آتے رسک شیئرنگ نا بنداو آ 50درسد نا گارنٹی ایتک۔ داڑآن فنڈ آتا بشخنگ نا بابت شفافیت بریک۔ سرسہب پاکستان پروگرام پورٹل نا اسہ پین نمان خاصیت سرسہب پاکستان انفارمیشن سسٹم ءِ۔ دانظام آن اسہ ٹال فری نمبر آن پاکستان انفارمیشن سسٹم ءِ این ٹی سی نا کمک اٹ مربوط کننگک۔ داپورٹل احساس ڈیٹا و نادرا تون مربوط مریک ہراڑآن مائیکرو فنانس نا ادارہ غاتے جوان وڑاٹ ویری فیکشن اٹ کمک رسینگک۔ وزیرخزانہ شوکت ترین پارے کہ سرسہب پاکستان پروگرام راج انا اقتصادی وڑاٹ نزور تپہ غاتا حالیت اٹ گچینی و مخلوق ءِ مالی وڑاٹ واکداسر کننگ نا بابت حکومت نا اہم ءُ پروگرام اسے۔ ملکی تاریخ اٹ اولیکو وار بینک آتے چنکو وام فراوان کروک آ ادارہ غاتا کمک اٹ راج انا زرگزرانی وڑاٹ نیزگار و نزور تپہ غاتے سوگو کننگانے۔ ہنداخاطرآن پروگرام نا بناآن مست حددرجہ احتیاط کننگانے۔ وزیرخزانہ پارے کہ پروگرام نا سرسہبی کن غٹ تعلقدار شریدار آتون سلابت کننگانے۔ ملک انا غٹ علاقہ غاتا اوار مننگ ءِ پک کننگ کن پروگرام ءِ مرحلہ وار بنداو تیا بناکننگک، اولیکو ریسہ ٹی خیبرپختونخوا، بلوچستان و پنجاب، سندھ، گلگت بلتستان و آزاد کشمیر نا پسماندہ ضلع غاک پروگرام اٹ اوار مریرہ۔ اوپارے کہ اول سرآن جاچ ہلوک سلاہ و سفارش آتا منظوری کن اقتصادی رابطہ کمیٹی و کابینہ نا مون آ تخنگک۔
