اسلام آباد۔ 17ستمبر(اے پی پی) بنجائی وزیر حوالکاری و شینکاری چوہدری فواد حسین پارینے کہ وزیراعظم عمران خان نیوزی لینڈ انا وزیراعظم تون رابطہ کرسا پاکستان اٹ نیوزی لینڈ نا کرکٹ ٹیم ءِ فول پروف سیکورٹی نا باوری کرفے، ننا انٹیلی جنس ایجنسیک دنیا نا گچین انٹیلی جنس سسٹم آتے ٹی اوار ءِ، اوفتا سلاہ ٹی نیوزی لینڈ انا ٹیم ءِ ہچ ءُ خطرہ اس اف۔ جمعہ نادے آ تینا اسہ ٹویٹ اسے ٹی او پارے کہ داکان زرس مست وزیراعظم عمران خان نیوزی لینڈ انا وزیراعظم تون رابطہ کرے و باور کرفے کہ پاکستان اٹ نیوزی لینڈ نا ٹیم ءِ فول پروف سیکورٹی دوئی ءِ، و پی سی بی نا رداٹ تینٹ نیوزی لینڈ انا سیکورٹی پاکستان نا سیکورٹی بست وبند آتیا است جمی نا درشانی ءِ کرینے۔ اوپارے کہ ننا انٹیلی جنس ایجنسی دنیا نا گچین انٹیلی جنس سسٹم اٹ اوار ءِ و اوفتا سلاہ ٹی نیوزی لینڈ انا ٹیم ءِ ہچ وڑنا خطرہ اف ولے نیوزی لینڈ نا وزیراعظم ازحد احتیاط نا پالیسی نا رداٹ دورہ ملتوی کننگ نا خواست کرے۔
