دوشنبے۔ 17ستمبر (اے پی پی) بنجائی وزیر حوالکاری و شینکاری چوہدری فواد حسین پارینے کہ اوغانستان نا حالیت آتیا تاجکستان نا کڑد بھاز اہم ءِ، وزیراعلیٰ نا است خواہی ءِ کہ پاکستان و تاجکستان اوغانستان نا چندی نسلی ٹولی تے خڑک اتنگ اٹ تینا کڑد ءِ ادا کیر۔ داہیت ءِ او جمعہ نادے آ داڑے وزیراعظم نا دورہ تاجکستان نا ارٹ میکو دے انا بابت حوال ترسا پارے۔ بنجائی وزیر حوالکاری چوہدری فواد حسین پارے کہ وزیراعظم اینو دوشنبے ٹی شنگھائی کمکار تنظیم نا سروکی دیوان آن تران کیک، وزیر خارجہ شاہ محمودقریشی، قومی سلامتی نا سلاہکار معید یوسف و پاکستانی سفیر ئسک ہم ہموڑے ساڑی ءُ۔ اوپارے کہ شنگھائی کمکار تنظیم نا سروکی دیوان آن پد وزیراعظم تاجکستان نا صدارتی ماڑی آ کاہک ہراڑے تاجکستان نا صدر تون مذاکرات مریک۔ اوپارے کہ اوغانستان نا حالیت آتے ٹی تاجکستان نا کڑد بھاز اہم ءِ۔ بنجائی وزیر حوالکاری پارے کہ اینو نا دے بھاز اہم ءِ، وزیراعظم نا است خواہی ءِ کہ تاجکستان و پاکستان ہڑتوم آ ایلم ملک آک اوغانستان نا چندی نسلی ٹولی تے خڑک اتنگ اٹ تینا کڑد ءِ ادا کیر۔
