اسلام آباد۔ 17ستمبر (اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ حکومت پولیو نا چٹفنگ کن سنبرینگوک ءِ، پولیو تور انا قومی مہم اٹی 40ملین آن زیات چناتے پولیو آن بچفنگ نا پڑی کُنفنگ نا ہدف ءِ مقرر کننگانے، تدوک آ ہفت تُوآن پولیو نا اسہ کیس اس ہم رپورٹ متنے، سال انا مسٹ میکو قومی انسداد مہم اٹ 2لکھ 90ہزار ورکربشخ ہلنگ ءُ۔ داخیال آتا درشانی ءِ او جمعہ نادے آ پولیو تور مہم نا بنائی دود آن تران کرسا کرے۔ ڈاکٹر فیصل سلطان پارے کہ انسداد پولیو مہم خیبرپختونخوا ٹی جمعہ آن بناکیک وخت اس کہ مچ آ ملک اٹی 20ستمبر آن پولیو مہم بناکیک۔ اوپارے کہ حکومت پولیو نا چٹفنگ کن سنبرینگوک ءِ۔ پولیو نا چٹفنگ کن گچین گام گیج آتے پک کرینے۔ اوپارے کہ قومی مہم اٹی 40ملین آن زیات چناتے پولیو آن بچفنگ نا پڑی کنفنگ نا ہدف ءِ مقرر کننگانے۔ سال انا مسٹ میکو قومی انسداد مہم اٹی 2لکھ 90ہزار ورکربشخ ہلنگ ءُ۔ اوپارے کہ دامہم اٹی وٹامن اے انا ودکی خور ہم تننگک۔ اوپارے کہ تدوک آ ہفت تُو آن پولیو نا اسہ کیس اس ہم رپورٹ متنے۔ ڈاکٹر فیصل سلطان لمہ وباوہ غاتیان خواست کرے کہ او تینا 5سال آن کم وئی نا چناتے پولیو آن بچفنگ نا پڑی لازمی کنفر و غٹ مکتبہ فکر آن تعلق تخوک آ بندغ آک پولیو مہم نا سرسہبی ٹی تینا پبی کڑد ءِ ادا کیر۔
