اسلام آباد۔ 17ستمبر (اے پی پی) سینیٹر ڈاکٹر ثانیہ نشتر، خصوصی کمکار راجی رکھ و تخفیف نیزگاری واشنگٹن اٹی اڈہلوک آ جہانی بینک انا سیشن بعنوان”سویلی ایشیاٹی انسانی سرمایہ نا شونداری بذریعہ ٹیکنالوجی“ آن تران کرے۔ سیشن ءِ جہانی بینک انا ریجنل انٹگریشن وانگیجمنٹ سویلی ایشیانا کنڈآن اڈتننگا۔ ڈاکٹر ثانیہ حکومت پاکستان نا احساس ایمرجنسی کیش پروگرام نا رداٹ آزموندہ غاتے مون آ تخا۔ تینا تران اٹی اوپارے کہ کورونا دین اٹی احساس ایمرجنسی کیش اٹی ڈیٹا وٹیکنالوجی ءِ کاریم اٹ اتسا ملک انا نیزگار آبادی ءِ راجی وزرگزرانی المیہ غان بچفنگا۔ پاکستان نا نمائندگی ءِ کرسا اونا مستی پاننگ ئس کہ کورونا دین انا رداٹ پاکستان نا احساس ایمرجنسی کیش آن ڈیہہ نا ایلو ملک آک ہم ہیل کننگ کیرہ۔ سیشن اٹ بنگلہ دیش، نیپال، ایلو ملک آک و جہانی بینک انا پالیسی ساز چاہندار و ٹیک انٹرپرینیورآک ہم بشخ ہلکر۔ سیشن جہانی بینک لائیو نا کمک اٹ واشنگٹن آن براہ راست شینک کننگا۔
