اسلام آباد۔ 17ستمبر (اے پی پی) وزیر مملکت حوالکاری و شینکاری فرخ حبیب پارینے کہ پٹرولیم مصنوعات آتا نہاد آتیا غوغا کروک آتا دور اٹی پٹرولیم مصنوعات آتیا خراج نا کچ 52درسد اسکان ئس، اسہ سال اٹی پٹرولیم مصنوعات آتا نہاد آتے ٹی جہانی کہول آ 80درسد اسکان ودکی مس، حکومت تینا خراج آتا کچ اٹ پدریسہ کمتی کرسا 18.5درسد ودکی کرینے۔ جمعہ نادے آ تینا ٹویٹ اٹی وزیر مملکت حوالکاری و شینکاری فرخ حبیب پارے کہ پاکستانی کرنسی نا رداٹ داوخت آ ہندوستان اٹی پٹرول245روپئی، بنگلہ دیش اٹی 175.33روپئی، سعودی عرب اٹی 104.20روپئی و یواے ای ٹی 111.42روپئی، چین اٹی پٹرول 194روپئی، سری لنکا ٹی 154روپئی، آذربائیجان اٹی 98.65روپئی و ہانگ کانگ اٹی 425.25روپئی فی لیٹر ءِ۔ اوپارے کہ پاکستان داسہ ہم دنیا نا بھاز انگا ملک آتا نسبت پٹرول اڑزآن فراوان کننگ ءِ۔
