اسلام آباد۔ 17ستمبر (اے پی پی) قومی زرگزران نا 9چندی بشخ آتا برآمد جولائی 2021اٹی ودسا ڈبل ڈیجٹ اسکان سرمس۔ وزارت واپار نا حوال نا رداٹ جولائی 2021اٹی نہہ چندی بشخ آتا شرح نمو ڈبل ڈیجٹ اسکان ودانے۔ جولائی 2020انا مقابلہ ٹی جولائی 2021اٹی گارمنٹس، ہوم ٹیکسٹائل، میوہ و سوزی، مکئی و پلاسٹک نا مصنوعات آتون اوار ایلو چندی بشخ آتا برآمد آتے ٹی ڈبل ڈیجٹ ودکی ریکارڈ کننگانے۔ حساب وکتاب نا رداٹ جولائی 2021اٹی نرینہ نا لویس آتا برآمد آتے ٹی 23درسد ودکی اتون برآمد آتا مالیت 406ملین ڈالر اسکان سرمس۔ ہنداوڑ ہوم ٹیکسٹائل نا قومی برآمد آک ہم کم وود 10درسد ودکی نا نتیجہ ٹی زرمبادلہ نا دوئی کننگ 380ملین ڈالر اسکان ودانے۔ داکان بیدس داوخت آ جرسی پچ و باسن لویس آتا برآمد آتے ٹی 46درسد ودکی اتون برآمد آتا مالیت 81ملین وخت اس کہ میوہ و سوزی تا قومی برآمد آتے ٹی 20درسد ودکی نا نتیجہ ٹی برآمد آتا کچ 61ملین ڈالر و ٹی شرٹ آتا برآمد آتے ٹی ہم 22درسد ودکی اتون برآمدآتا مالیت 49ملین ڈالراسکان ودانے۔ حساب وکتاب نا رداٹ ایتھائل الکوحل نا برآمد آتے ٹی 252درسد ودکی اتون برآمد آتا کچ 47ملین ڈالر و جراب پین پین انا برآمدآتا کچ 19درسد ودکی نا سوب آن زرمبادلہ نا دوئی کننگ 42ملین ڈالر اسکان سرمس۔
