اسلام آباد۔ 17ستمبر (اے پی پی) ٹریڈ ڈویلپمنٹ اتھارٹی آف پاکستان (ٹی ڈی اے پی) مصراٹی اڈہلوک آ 2دے ئی جہانی واپاری نمائش ”فوڈ افریقہ“ ٹی بشخ ہلنگ کن گام گیج آتے حتمی دروشم اس تننگ ءِ۔ ٹی ڈی اے پی نا کنڈآن جاری سرجم حوال آتا رداٹ قاہرہ، مصراٹی اڈہلوک آ جہانی واپاری نمائش اٹ نان الکوحل بیوریجز، پراسیسڈ و پیک خور، بیکری و کنفیکشنری، چاہ و کافی، ڈیری، آرگینگ و تازہ، منجمد غذا، فوڈ سروس، خورانا بابت ازباب، پیکنگ، فوڈ پراسیسنگ مشینری، کیٹرنگ نا ازباب، حلال، سمندری خور و فاسٹ فوڈ آتون اوار ایلو چندی غذا و غذائی مصنوعات، ازباب وخذمت پین پین نا نمائش ءِ کننگ مریک۔ واپاری میلہ ٹی بشخ ہلنگ آن نئے بیرہ مصنوعات/خذمات/ازباب آتا نمائش بلکن درآمد کروک آتیان کاروباری باندات طے کننگ اٹ ہم کمک دوئی مریک۔ جہانی واپاری میلہ 13و14دسمبر 2021ء آ قاہرہ ٹی اڈہلیک۔ نمائش اٹی بشخ ہلنگ آن قومی برآمد آتا مون آ دننگ اٹ کمک رسینگک۔
