اسلام آباد۔ 16ستمبر (اے پی پی) وزیراعظم عمران خان تاجکستان نا 2دے ئی سرکاری دورہ غا دوشنبے آ روانہ مس۔ وزیراعظم آفس نا میڈیا ونگ آن جاری بیان نا رداٹ وزیراعظم تاجکستان اٹی شنگھائی کمکار تنظیم (ایس سی او) نا سروکی دیوان اٹی بشخ ہلیک۔ وزیراعظم عمران خان تاجکستان نا صدر امام علی رحمانوف تون ہڑتوم آ کنڈآتا اوڑدہی کن صدارتی ماڑی نا دورہ ءِ ہم کیک۔ وزیراعظم پاکستان و تاجکستان نا نیام اٹ کاروباری بشخ اٹی کمکاری ءِ مون آ دننگ کن اسیجائی بزنس فورم آن تران ہم کیک۔ وزیراعظم دوشنبے ٹی ایس سی او 20می سروکی دیوان اٹی بشخ ہلنگ نا وخت آ دیوان اٹی ساڑی راہشون آتون اوڑدہی ہم کیک۔ دورہ ٹی وزیراعظم ایران، قزاقستان، بیلاروس و ازبکستان نا صدر آتون ہڑتوم آ کنڈآتا اوڑدہی کیک۔ ایس سی او سروک دیوان اٹی بشخ ہلنگ آن پد وزیراعظم عمران خان تاجک صدر تون اوڑدہی کیک۔ وزیراعظم عمران خان تون اوار اسہ بڑزکو کہولی وزارتی ڈل اس ہم مریک۔
