دوشنبے۔ 16ستمبر (اے پی پی) وزیراعظم عمران خان پاکستان اٹی چندی بشخ آتے ٹی کاروبار و زرکاری نا وارخواہی تے تالان کرسا پارینے کہ ڈیہہ نا ملک آک خاص وڑاٹ تاجکستان نا زرکار آک داوارخواہی تیان فائدہ ہرفنگ کیرہ، علاقائی و جہانی زرکارآتے پاکستان نا حکومت ہرممکن آسراتی فراوان کیک ہراڑآن نئے بیرہ زرگزران بلکن الس ءِ ہم فائدہ رسینگک۔ اوداہیت ءِ پنچ شنبے نادے آ داڑے پاکستان تاجکستان بزنس فورم آن تران کرسا پارے۔ داوخت آ سلاہکار واپار عبدالرزاق داؤد ہم وزیراعظم تون اوار ئس۔ ہڑتوم آ کنڈآتا واپار ءِ ودفنگ نا بابت اہمیت نا حامل فورم وزارت واپار، زرکاری بورڈ و ٹریڈ ڈویلپمنٹ اتھارٹی آف پاکستان نا کمک اٹ اڈ ہلک۔ فورم اٹی 67پاکستانی وخت اس کہ 150تاجک کمپنی بشخ ہلکر۔ فورم اٹی شریک کمپنی تا تعلق ٹیکسٹائل، سِل انا صنعت، فارماسیوٹیکل، ایگریکلچر، مائننگ، ٹورازم، لاجسٹکس نابشخ آن ءِ۔ وزیراعظم پارے کہ پاکستان آن 67چندی کمپنی تاجکستان آ بسنو۔ ہڑتوم آ ملک آتا پوریاگرآتے آسراتی تننگ نا بابت گام گیج کننگک و کاروبار اٹی آسانی ودی کننگک۔ تاجکستان اٹی توانائی خاص وڑاٹ پن بجلی نا بابت بھاز انگا وارخواہی ارے۔ بدبختی اٹ پاکستان اٹ بجلی کبین ءِ۔ نن ساف، اڑزآن پن بجلی آن فائدہ ہرفنگ نا خواہندار اُن۔ کاسا۔ 1000ڈٹ آ کاریم بایدے ترند مرے۔، ڈٹ انا زوت پوروی ءِ خوانہ۔ 80ملین ڈالر نا تین پہ تینی واپار ہڑتوم آ ملک آتا حقی لائخی آن بھاز کم ءِ۔ حکومت کاروبار کن جوان آسراتی فراوان کننگ ءِ و داچرجوئی ٹی اڑاند آتے مر کننگک و کاروباراٹی آسانی ودی کننگک۔ وزیراعظم پارے کہ ہڑتوم آ کنڈآتا واپار آن نئے بیرہ زرگزران بلکن الس ءِ ہم فائدہ رسینگک۔ اوغانستان نا حالیت آتا ذکر ءِ کرسا اوپارے کہ40سال انا جنگ آن پد امن مسنے۔ جامع حکومت اسے نا ٹہیفنگ آن اسہ ایلو تون رابطہ ودک۔ بزنس فورم اٹی سوج و ورندی نا نشست اس ہم مس ہراٹی وزیراعظم عمران خان و سلاہکار واپار عبدالرزاق داؤد کاروباری شخصیت آتا سوج آتا ورندی ءِ تسر و پاکستان و ڈیہہ ٹی کاروباری وارخواہی تے تالان کریر۔
