اسلام آباد۔ 16ستمبر (اے پی پی) اسپیکر قومی اسمبلی اسد قیصر پارینے کہ ننے اوغانستان نا ساڑی آ حالیت آتیا انسانی ہمدردی نا رداٹ کاریم کننگ نا گرج ءِ، السی فائدہ کن ہراڑے کہ ضرورت تما کانود سازی کینہ۔ او پنچ شنبے نادے آ داڑے موسمیاتی بدلی کمیٹی نا کنڈآن دود آن تران کریکہ۔ داوخت آ اسپیکر اسد قیصر پارے کہ پارلیمان نا کاریم سہی وڑاٹ الس نا نمائندگی ءِ کننگ ءِ، السی فائدہ غاتا رکھ اکن ہراکہ ضرورت تما کانود سازی کینہ۔ اوپارے کہ قائمہ کمیٹی تیٹی چاہندارآتون اواری اٹ کاریم کننگ اُن، نن کشت وکشار نا کمیٹی ٹی بزغر، سائنسدان و چاہندارآتون اواری اٹ کاریم کننگ اُن، ساڑی آ اسمبلی اہم کانود سازی کرینے، داتم اسکان 94بل منظور مسنوو 200آن زیات بل آ کمیٹی تیٹی سجفنگ انگ ءِ، ہنداوڑ نجی باسک آتا 16بل ہم منظور مسنو۔ اسپیکر قومی اسمبلی پارے کہ ساڑی آ پارلیمنٹ محروم تپہ غاتا بابت گام گیج کرینے، خصوصی بندغ آتا بابت ہم کانود سازی کننگ انگ ءِ۔ اسپیکر اسد قیصر نا پاننگ ئس کہ ننے اوغانستان نا حالیت آتیا انسانی ہمدردی نا رداٹ کاریم کننگ نا گرج ءِ، اوغانستان نا مخلوق ءِ خور انا فراوانی کن گام گیج کننگ انگ ءِ، اوغانستان نا حالیت آتیا پارلیمنٹ نا کمیٹی اس ٹہیفنگانے۔ اوپارے کہ صوبہ خیبرپختونخوا نا قبائلی ضلع(مسکوہی فاٹا) نا بابت ہراقول آتے کرینن اوفتیا عملدرآمد نا بابت پارلیمنٹ تینا کڑدءِ ادا کیک۔
