لاہور۔ 16ستمبر(اے پی پی) پاکستان تحریک انصاف نا سینئر مرکزی راہشون ہمایوں اخترخان پارینے کہ اپوزیشن نا وخت آن مست گچین کاری تا خواہش اسل پورومفک بلکن دا اوفتا سینہ ٹی دم ایتک۔ حکومت کبینی نا مون ءِ توننگ کن ہرممکن گام گیج کننگ ءِ و انشاء اللہ الس ءِ زوت ریلیف ملک۔ اسہ بیان اسے ٹی اوپارے کہ اپوزیشن قوم ءِ پائے ملک اٹ دُن ءُ انت ایمرجنسی اسے کہ اسہ گچین مروک ءُ حکومت اس مدپورو مننگ آن مست گچین کاری کرفے، مسلم لیگ ن و پیپلزپارٹی والاک کیہی دہائی اقتدار اٹی مسنو ولے اوفک ملک و الس کن ہچ اس کتنو ہنداخاطرآن الس آزموندہ کروک آ سیاست دان تے اسہ وڑاسے ٹی ہم دُوارہ موقع تننگ کن تیار افس۔ اوپارے کہ پاکستان تحریک انصاف بنجا و پنجاب اٹی اولیکو وار حکومت جوڑ کرے و مش کون آ چیلنج آتیان پد ہم نئے بیرہ ملک انا زرگزران ءِ مین آن کشنگا بلکن خارجہ پڑآ ہم بھلو سرسہبی دوئی کرینے۔
