24گھنٹہ ٹی 56ہزار 778کورونا ٹیسٹ کننگانے، وزارت قومی جان جوڑی

اسلام آباد۔ 16ستمبر(اے پی پی) 24گھنٹہ ٹی 56ہزار 778کورونا ٹیسٹ کننگانے۔ وزارت قومی جان جوڑی نا کنڈآن جاری ٹویٹ اٹی شیئر کروک آ حساب وکتاب نا رداٹ تدوک آ 24گھنٹہ ٹی 56ہزار778کورونا ٹیسٹ کننگانے۔ ہرافتیان 3012بندغ آتا کورونا ٹیسٹ مثبت بسنے۔ ہنداوڑ تدوک آ 24گھنٹہ ٹی کروک آ کورونا ٹیسٹ آتا مثبت نا کچ5.30درسد ئس۔ داکان بیدس داٹی کوویڈ۔ 19نا سوب آن زوال کروک آتا کچ 66ریکارڈ کننگانے۔