مظفرگڑھ۔ 16ستمبر (اے پی پی) مظفرگڑھ ضلع غان تعلق تخوک آ پاک فوج انا 3شہید آتا میت آتے اوفتا باوہ پیرہ ئی آ علاقہ غاتے ٹی فوجی اعزاز اتون جہہ جاگہ کننگا۔ آئی ایس پی آر نا رداٹ تدوک آ دے سویلی وزیرستان نا علاقہ ٹی سیکورٹی فورس آتا آپریشن اٹی 5دہشت گرد زوال کریر وخت اس کہ اسہ ایلو آ سم کاری ٹی سیکورٹی فورس آتا 7ورنا شہیدی نا جام ءِ نوش کریر۔ آپریشن سویلی وزیرستان اٹی دہشت گردی آتا ساڑی گری نا حوال آ کننگا، شہید مروک آ ورناتیان 3ورناتا تعلق مظفرگڑھ آن ءِ، ایل ڈی اشفاق حسین شہید انا تعلق مظفرگڑھ نا نواحی علاقہ مونڈ کاکی بستی دولت پور، سوار محمد شیراز شہید انا تعلق مظفرگڑھ انا تحصیل کوٹ ادونا نواحی علاقہ گجرات نا علاقہ پل ڈنگہ و سوار محمد انتظار نا تعلق مظفرگڑھ نا کیبی علاقہ سنکی آن ءِ۔ شہید آتا جنازہ غاتے ٹی فوجی آفیسر، پولیس آفیسر، انتظامیہ نا آفیسر و الس بھلو کچ اسے ٹی بشخ ہلسا شہید آتے خراج تحسین پیش کریر۔
