اسلام آباد۔15ستمبر (اے پی پی):پاکستان ءَ ھوار سرجمیں دگنیا ءَ جمہوریت ءِ روچ برجم دارگ بوت۔ اے روچ ءِ رد ءَ سرجمیں ملک ءَ سیاسی، چاگردی ءُ السی گل آں جتا جتائیں مراگش بست ءُ بند کت۔ اسلام آباد ءَ جمہوریت ءِ روچ ءِ درگت ءَ پاک چائنہ فرینڈ ش سنٹر ءَ ھاسیں مراگش بست ءُ بند کنگ بوتگ ایشی ءِ اندر ءَ سپیکر راجی اسمبلی اسد قیصر، بنجاھی وزیر منصوبگ بندی ءُ دیمروئی کار اسد عمر ، بنجاھی وزیر اھوالکاری ءُ شنگ کاری چوہدری فواد حسین، بنجاھی وزیر وانگ ءُ زانگ ءُ کزبی کار شفقت محمود، بنجاھی وزیر بنی آدمی ھک ڈاکٹر شیری مزاری ءَ بھر زوری کت۔ اے موہ ءِ سر ءَ سپیکر راجی اسمبلی اسد قیصر ءُ ایندگر گشتانکار آں گوشت کہ استیں حکومت جمہوریت ءَ را مھکم جوڑ کنگ ءِ واستہ ادارگ آناں برجم جوڑ کنگ ءَ انت، دروگیں ھال آنی گر ءُ دار ءِ واستہ گیشاں چہ گیش کوشست کنگ بوھگ ءَ انت۔ پاکستان ءَ جمہوری ادارگ آنی گہتری ءِ واستہ گامگیج لوٹ ایت، جمہوری دارگ آنی برجائی ءِ واستہ گیش گہتری ءِ گنجاشک است انت۔ جمہوریت ءِ راج ءِ درگت ءَ وتی کلوہ ءَ چیئرمین سینیٹ ءَ گوشت کہ آزاتی ءَ گوں وتی لیکہ ءِ درشان ، کیاسگری ءُ بی آدمی ھک آنی پجاری ءَ را دل یکیمی جوڑ کنگ ءِ واستہ جمہوری نظام ایوکیں کشکت انت۔ جمہوری نظام ءِ چیر دستی ءَ توامیں سیاسی گل دیمروئی ءُ وشھالی ءُ السی ازمت آنی تہ ءَ گیشاں چہ گیش بھر زوری کن انت ایش ھمک ملک ءِ مھکمیں ایمنی ءُ دیمروئی ءِ بن روتگ جوڑ بنت، جمہوریت کانود ءِ سروکی ءُ بنیاتی بنی آدمی ھک آنی بنزھ انت۔
