اسلام آباد۔15ستمبر (اے پی پی): بنجاھی وزیر برائے بنی آدمی ھک ءِ پھریزوک شیریں مزاری ءَ گوشت کہ مزن وزیر عمران خان ءِ ویژن ءِ رد ءَ جمہوری نظام برجائی ءِ نیمگ ءَ رھادگ انت، شہری آنی ھک آنی رکھینگ ریاست ءِ بنیاتی زمہ واری انت، ملکی کانود ءَ زالبول ءُ گور آں ھوار توامیں شہری آنی ھک آناں گیشینگ بوتگ، پاکستانی راج ءَ جمہوریت ءِ واستہ بازیں قربانی داتگ۔ اے ھیالانی درشانی آئی ءَ چار شمبے ءِ روچ ءَ جمہوریت ءِ ھوالگ ءَ برجم داشتگیں سیمینار ءَ گوں گشتانک دیان ءَ کت۔ آئی ءَ گوشت کہ پاکستان ءَ جمہوریت برجا کنگ بوتگ، نوں سیمی حکومت انت ایش الیکشن ءِ چیر دستی ءَ سروکی ءَ اتکگ انت، گوستگیں دو حکومت آں وتی وھد ءُ پاس سرجم کتگ۔ آئی ءَ گوشت کہ شہری آنی ھک آنی رکھیگ ریاست ءِ بنیاتی زمہ واری انت ، ملکی کانودی ءَ زالبول ءُ گور آں ھوار توامیں شہری آناں گیشینگ بوتگ۔ آئی ءَ گوشت کہ شہری آنی ھک آنی رکھینگ ریاست ءِ بنیاتی زمہ واری انت۔ ملکی کانود ءَ زالبول ءُ گور آں ھوار شہری آنی ھک آناں گیشینگ بوتگ۔ میاں اوستمانی تک ءَ جیڈھ مٹ بوھگ ءَ انت، طاقت ءِ بنجاھ مٹ بوھگ ءَ انت۔ بنجاھی وزیر ءَ گوشت کہ پاکستان ءَ کوویڈ – 19 ءِ درستاں چہ گہتریں کار رپک ءَ گوں مقابلہ کتگ ءُ اے ھما وھد ءَ بوتگ وھد ءِ مزن وزیر عمران خان ءِ سروکی ءَ جوانیں گامگیج چست کتگ۔
