لاہور۔15ستمبر (اے پی پی):خاتون اول بشریٰ بی بی ءَ چار شمبے ءِ روچ ءَ پنجاپ انسٹی ٹیوٹ آف مینٹل ہیلتھ لاہور ءِ تر ءُ تاب کت۔ مزن وزیر عمران خان ءِ لوگ بانُک ءَ اے موہ ءِ سر ءَ ایمرجنسی وارڈ ءَ ھوار نادُراھ جاہ ءِ ایندگر شوبگ آنی تر ءُ تاب کت ءُ آھودا گنوکیں مریض آناں داتگیں جان سلامتی آنی چار ءُ تپاسی گپت ءُ مریض آنی ھال پرسی ھم کت۔ ہسپتال انتظامیہ ءَ مزن وزیر عمران خان ءِ لوگ بانُک ءَ مریض آناں داستگیں آسراتی ءُ آنی بابت ءَ مالومداری در جت۔ آئی ءَ ہسپتال ءَ جوڑ کتگیں چُلے ءِ تر ءُ تاب ھم کت ءُ مریض آنی دیگ بوھوکیں وردن ءُ وراک آناں چار ءُ تپاس کت۔ آئی ءَ ہسپتال ءَ دماگی نادُراھ آنی واستہ جوڑ کتگیں جتا جتائیں بلاک آنی ھم تر ءُ تاب کت ءُ آھوداس ایشاناں دیگ بوھوکیں دوار ءُ درمان ءِ آسراتی ءِ سرجمیں مالوم داری در جت۔ اے موہ ءِ سر ءَ آئی ءَ انسٹیٹیوٹ آف مینٹل ہیلتھ ءَ نہال ءِ ھم کشت۔
