اسلام آباد۔15ستمبر (اے پی پی):وزیر ءِ یمپانی پرویز خٹک ءَ گوں جمہوریہ بلغاریہ ءِ وزیر ءِ دیمپانی جارجی پنیاتوف ءَ چار شمبے ءَ ادا گند ءُ نند کت۔ اے موہ ءِ سر ءَ وزیر ءِ دیمپانی ءَ وتی ھیال آنی درشانی ءَ کنان ءَ پاکستان بلغاریہ ءِ گوما وتی یکوئی آناں باز ارزشت دنت ءُ آوانی درنیام ءَ وت نزیکیں یکوئی ءُ وت مہ وتی واھگی کار آنی توامیں شوبگ آں ھوار دیمپانی ءِ تہ ءَ گیش دیمروئی دیگ لوٹ ایت۔ وزیر ءِ دیمپانی پرویز خٹک ءَ اوگان جیڈھ ءِ ایمنی ءُ مھکمی ءَ گوں گیواری کنگ ءِ واستہ میان اوستمانی برات آنی سر ءَزور پر دیگ ءِ ضلورت ءِ سر ءَ زور پر دات ءُ گوشت کہ نوں وھد اتکگ کہ دگنیا اوگان الس ءِ سرجمیں کمک ءُ یکوئی ءِ گوما اوشتاتگ۔ پاکستان اے گپ ءِ منوک انت کہ اوگان ٹولیگ آنی نماھندگی کنوک آنی یک سیاسی گیواری ایوکیں آپشن انت ءُ دگنیا ءَ را اوگان الس ءِ اے مول ءُ مراد ءِ واستہ کار کنگ ءِ ھیل کاری دیگ لوٹ ایت۔ وزیر ءِ دیمپانی ءَ گوشت کہ پاکستان ءِ معاشی دزگٹی ءُ دیمروئی گامگیج آنی اچ اردی ڈیزائن نیست انت۔ پاکستان دمگی ءُ میاں اوستمانی ایمنی ءِ دیمروئیءِ واستہ جزمیگ انت ءُ وتی کرد ءَ پیلو کنت انت۔ بلغاریہ ءِ وزیر ءِ دیمپانی جارجی پنیاتوف ءَ ایمنی ءِ واستہ پاکستان ءِ کوشست آناں ساڑات ءُ گوشت کہ بلغاریہ ءُ پاکستان دوئیں آناں یکجائی ءَ ایمنی ءُ سلامتی ءِ یکجائی سیم سر آنی در جنگ ءَ کار کنگ لوٹ ایت۔ آئی ءَ دوئیں ملک آنی نیام ءَ جاڑیگیں دیمپانی کمک ءُ سرجمیں دل یکیمی ، وتی حکومت ءِ کتگیں سوگند ءُ اے جزم آنی درشان کت کہ آ دوئیں ملک آنی نیام ءَ دو نیمگی یکوئی آناں گیش مھکم جوڑ کنگ ءِ واستہ پاکستان ءِ گوما یکجائی ءَ کار کنت۔
