اسلام آباد۔ 15ستمبر (اے پی پی) وزیرخارجہ مخدوم شاہ محمود قریشی تون متحدہ عرب امارات نا اونا ہم منصب شیخ عبداللہ بن زاید النہیان چارشنبے نادے آ ٹیل فون آ رابطہ کرے۔ ہڑتوم آ وزیرخارجہ غاتا نیام اٹ کثیر الجہتی ہڑتوم آ کنڈآتا تعلقداری واوغانستان نا ساڑی آ حالیت آتیا گپ وتران مس۔ ہڑتوم آ وزیرخارجہ غاک پاکستان و متحدہ عرب امارات نا نیام اٹ ہڑتوم آ کنڈآتا تعلقداری و تین پہ تینی است خواہی نا بشخ آتے ٹی کمکاری نا وڑآ است جمی نا درشانی ءِ کرسا اوفتے پین سوگو کننگ نا عزم انا درشانی ءِ کریر۔ وزیرخارجہ اماراتی ہم منصب ءِ دبئی ٹی اڈ ہلوک آ ایکسپو 2020نا گچین بست وبند آ مبارکبادی تس و ایکسپوناشاندار سرسہبی کن نیک است خواہی نا درشانی ءِ کرے۔ ہڑتوم آوزیرخارجہ غاک اہم علاقائی و تین پہ تینی است خواہی نا امور بشمول اوغانستان نا حالیت آتیا سلابت نا چرجوئی ءِ برجاتخنگ آ امنا کریر۔

متعلقہ مضامینمصنف کی طرف سے مزید