اسلام آباد۔ 15ستمبر (اے پی پی) بنجائی وزیر ریلوائی اعظم سواتی پارینے کہ پاکستان ریلوائی ءِ گچین کننگ نا ءِ و اودے کٹیائی ادارہ اس جوڑ کننگ خوانہ، ریلوائی ءِ گچین کننگ ناکوشست کننگ اُن و کرسا کینہ، ریلوائی نا ہسپتال آتے ہرسا است ہسون مریک، ہسپتال آتے پین گچین و اپ گریڈ کننگ اُن۔ داخیال آتا درشانی ءِ او اسلام آباد نا ہندی ہوٹل اسے ٹی پبلک پرائیویٹ پارٹنر شپ انا رداٹ پاکستان ریلوائی نا ہسپتال آتا ودکی، بحالی و اپ گریڈیشن نا دود آن تران کرسا کرے۔ بنجائی وزیر پارے کہ ہراتم آن ریلوائی نا وزیر جوڑ مسونٹ وزیراعظم عمران خان نا تروک آ ٹاسک آ کاریم کننگ نا کوشست کننگ اُٹ۔ اوپارے کہ ریلوائی نا ہسپتا ل آتے ہرسا است ہسون مسکہ، داسہ ریلوائی ءِ کٹیائی ادارہ اس جوڑ کننگ خوانہ۔ اوپارے کہ ای و کنا ٹیم تدوک آ 8تُو آن ریلوائی نا گچینی کن بھاز کاریم کرینن و ہمووخت خڑک ءِ کہ داادارہ ءِ پین گچین ءُ ادار ہ اس جوڑکینہ۔ بنجائی وزیر پارے کہ ریلوائی اسہ وخت اسے ٹی بھاز کٹیائی ءُ ادارہ اس ئس ولے اینو ریلوائی نا حالیت خراب ءِ و دادے پین گچین کننگ کن کوشست کننگ اُن۔ اوپارے کہ اللہ نا شکر ءِ کہ نن ریلوائی ٹی بھاز کاریم کننگ اُن و دادے سہی کنڈآ دننگ اُن۔ دود آن تران کرسا وزیراعظم نا خصوصی کمکار خصوصی قومی جان جوڑی ڈاکٹر فیصل سلطان پارے کہ ریلوائی ہراکاریم ءِ کننگ والا ءِ اودے سمجھنگ نا گرج ءِ۔
