اسلام آباد۔ 15ستمبر (اے پی پی) چیئرمین سینیٹ محمد صادق سنجرانی پارینے کہ آجوئی درشانی سلاہ، احتسابی عمل و انسانی حق انا فراوانی ءِ پک کننگ کن جمہوری نظام اسٹ انگا کسر ءِ، جمہوری نظام نا رداٹ غٹ سیاسی جماعت آک شونداری و شونہالی و السی خذمت آتے ٹی زیات آن زیات بشخ ہلیرہ ہراہر ملک اکن پائیدار امن و شونداری نا پیش خیمہ مریک۔ جمہوریت کانود نا حکمرانی و بنداوی انسانی حق انا وت ءِ۔ چارشنبے نادے آ یوم جمہوریت نا وخت آ تینا کلہو اٹی چیئرمین سینیٹ پارے کہ 15ستمبر جہانی یوم جمہوریت نا وڑاٹ 2008آن مچ آ دنیا ٹی اڈتننگک۔ ودادے ءِ اڈتننگ نا مسخت ہندادے کہ نن جمہوریت نا مون آ دننگ و بقانا خاطر تینا عزم ءِ پوسکن کین۔ اوپارے کہ 2007اٹی اقوام متحدہ نا جنرل اسمبلی نا قرارداد نا نتیجہ ٹی 15ستمبر آ جہانی یوم جمہوریت ءِ اڈ اتننگ نا فیصلہ کننگاسس۔
