اسلام آباد۔ 15ستمبر (اے پی پی) وزیر مملکت حوالکاری وشینکاری فرخ حبیب پارینے کہ اومیتءِ کہ اکبر ایس بابر کیس آنبار پی ٹی آئی ءِ ہم ن لیگ و پیپلزپارٹی نا اکاؤنٹ آتسکان رسینگ ملک، 5سال آن سکروٹنی کمیٹی ٹی فنڈنگ کیس زیرسماعت ءِ ولے ن لیگ و پیپلزپارٹی ریکارڈ پیش کننگ آن پاناد کننگ ءُ، الیکشن کمیشن نوٹس ءِ نوٹس ہی جاری کروئی ءِ تو ولدا مریم، فضل الرحمان تون اوار غٹ انا تقریر آتا متن تے بٹنگے، نابود نوازشریف آنبار ن لیگ داکیس اٹ جعلی قطری چٹھی اس ہی پیش کے۔ چارشنبے نادے آ الیکشن کمیشن نا پیشن میڈیا تون گپ وتران کرسا وزیر مملکت حوالکاری وشینکاری فرخ حبیب پارے کہ اسٹیٹ بینک آف پاکستان نا رداٹ ن لیگ و پیپلزپارٹی نا 19ہندن ءُ اکاؤنٹ مون آ بسر ہرافتا گوشوارہ غاتے ٹی ذکر اف، نواز شریف و زرداری تینا ملازم، پاپڑوالا، فالودہ والاتا اکاؤنٹ آتے ٹی ارب آ روپئی نا ٹرانزیکشن کریر، ہنداوڑ ہی ن لیگ و پیپلزپارٹی نا پارٹی اکاؤنٹ آتے منی لانڈرنگ و پیسہ غاتا ٹرانزیکشن کن استعمال کریر۔ اوپارے کہ الیکشن کمیشن اکبر ایس بابر ءِ پی ٹی آئی نا اکاؤنٹ آتسکان چارٹرڈ اکاؤنٹنٹ و فنانشل ایکسپرٹس نا رسینگ نا فیصلہ تسوسس، اوڑآ پی ٹی آئی 40ہزار ڈونرز و 16والیم جمع کرفے، 5سال ہنار۔ ن لیگ و پیپلزپارٹی اکاؤنٹ آتا بابت 16پنہ ہم جمع کرفنگ کتوس۔ اوپارے کہ شکر ءِ اینو اپوزیشن ءِ ہم الیکشن کمیشن نا یات بس، ننے اومیت ئس داہڑتوم آ جماعت آک فارن فنڈنگ کیس اٹ پیش مریرہ، ٹھپہ مافیا دھاندلی ءِ برجاتخنگ کن ای وی ایم نا مخالفت ءِ کننگ ءِ۔ اوپارے کہ الیکشن کمیشن نا بطور آئینی ادارہ شرف ءِ، الیکشن ایکٹ نا شق 218نا رداٹ صاف وشفاف الیکشن ہم الیکشن کمیشن نا زمواری ءِ۔ اوپارے کہ تدوک آ کیہی سال آن ن لیگ و پیپلزپارٹی اقتدار اٹی ئسر، 3، 3واری خلکر ولے شفاف الیکشن کن اسہ اصلاحات اس کم کتوس، حکومت گچین کاری اصلاحات اتنگ ءِ اپوزیشن ای وی ایم ءِ ہُننگ آن بیدس مسترد کرے۔
