اسلام آباد۔14ستمبر (اے پی پی): مزن وزیر عمران خان ءَ گوشت کہ اوگانستان ءَ ایمنی ءُ برجائی دمگی سلامتی ءُ وشھالی ءِ واستہ المی انت، اوگانستان ءَ را زوتاں زوت بنی آدم دوستی بنیات ءَ کمک ءِ ضلورت انت، میاں اوستمانی برات آناں اوگانستان ءِ گوما رابطہ ءِ تہ ءَ بوھگ لوٹ ایت۔ سکیں ساھت ءَ اوگان الس آناں ایوک یل کن مہ بیت، روس ءِ گوما انرجی، تجارت ءُ ھوار ایندگر شوبگ آنی تہ ءَ کمک آناں دیمروئی دیگ لوٹ ایت۔ سئے شمبے ءِر وچ ءَ روس ء، صدر ولادی میر پیوٹن ءَ مزن وزیر عمران خان ءَ را ٹیلی فون کت ۔ دوئیں سروک آں اوگانستان ءَ استیں دیمروئی، وت مہ وتی کمک ءُ شنگھائی کمکی گل ءِ کمک آنی ھوالگ ءَ ھیال ریچی کت۔ مزن وزیر عمران خان ءَ اے موہ ءِ سر ءَ گوشت کہ اوگانستان ءَ ایمنی ءُ برجائی دمگی سلامتی ءُ وشھالی ءِ واستہ ارزشت دار ایت، ضلورت اے گپ ایگ انت کہ اوگانستان ءَ را زوتاں چہ زوت کمک پجاری کنگ بہ بیت تاکہ معاشی ڈکال ءَ گوں گر ءُ چیل بوھگ ءَ کمک بہ رس ایت۔ مزن وزیر ءَ روسی صدر پیوٹن ءَ را پاکستان ءِ آیگ ءُ تر ءُ تاب کنگ ءِ دعوت دات وھدیکہ روسی صدر ءِ مزن وزیر عمران خان ءَ را روس ءِ تر ءُ تاب ءِ دعوت دات۔ دوئیں سروک آں نزیکیں رابطہ دارگ ءِ ھوالگ ءَ تپاک کت۔
