اسلام آباد۔14ستمبر (اے پی پی): بنجاھی وزیر اھوالکاری ءُ شنگ کاری فوہدری فواد حسین ء۔ گوشت کہ بنجاھی کابینہ ءَ مزن وزیر ءِ کم ھرچی ءِ گامگیج ءِ چیر دستی ءَ چیئرمین سینیٹ، سیپیکر راجی اسمبلی، ڈپٹی چیئرمین سینیٹ، ڈپٹی سپیکر راجی اسمبلی ءَ ھوار توامیں اسمبلی ءِ باسک آنی پگار ءِ تہ ءَ 10 درسد ایڈہاک الائونس ءِ سمری رد کتگ، ملک ءَ آیوکیں سال فائو جی ٹیکنالوجی لانچ کنگ بیت، مزن وزیر ءِ جزمت انت کہ ملک ءِ دور ءُ گستائیں دمگ آنی تہ ءَ رسانک ءِ نظام رسینگ بہ بیت، ٹوھیں گاڑی آنی سر ءَ ایڈیشنل کسٹم ڈیوٹی ھلاس کنگ ءَ چہ گاڑی آنی قیمت ءِ تہ ءَ کمی کئیت۔ اے ھیالانی درشانی آئی ءَ سئے شمبے ءِ روچ ءَ بنجاھی کابینہ ءِ دیوان ءِ ھوالگ ءَ بریفنگ دیان ءَ کت۔ چوہدری فود حسین ءَ گوشت کہ بنجاھی کابینہ ءِ دیوان ءَ بنجاھی وزیر سائنس ءُ ٹیکنالوجی ءُ مزن وزیر ءِ مشیر برائے پارلیمانی کار ءَ الیکٹرانک ووٹنگ مشین ءُ ڈن ملک ءَ نندوکیں پاکستانی آنی ووٹ دیگ ءِ مستری ءِ ھوالگ ءَ دیمروئی گامگیج آنی بابت ءَ بریفنگ دات۔
