اسلام آباد۔ 14ستمبر (اے پی پی) وزیر مملکت حوالکاری و شینکاری فرخ حبیب پارینے کہ جہانی ادارہ خور و کشت وکشار نا رداٹ فروری 2020آن اگست 2021کنوئی آ گڑاتا نہاد آتے ٹی جہانی کہو ل آ 127درسد ودکی مسنے ہراکورونا دین انا جہانی دین، پیدوار اٹی کمتی، لاجسٹک کاسٹ اٹ ودکی نا نتیجہ ءِ داکان پد ہم گچین حکومتی پالیسی تا سوب آن کبینی نا جہانی کہول انا کچ انا پورو اثر ءِ منتقل مننگ کن الیتون ولے پی ڈی ایم خن تیا این آر اونا پٹی ءِ تفینے۔ اوفک ای منپرہ نا رٹ ءِ خلکونے، ن لیگ، پیپلزپارٹی تینا دور تے ٹی پیدوار ءِ ودفنگ نا جاگہ غا منی لانڈرنگ، جعلی اکاؤنٹس و کرپشن آ چکار تخار۔ سے شنبے نادے آ پی آئی ڈی ٹی پریس کانفرنس آن تران کرسا وزیر مملکت حوالکاری و شینکاری فرخ حبیب پارے کہ، 2008آن 2018جہانی کہول آ اجناس نا نہادآتے ٹی ودکی متنے، اوکان پد کوویڈ۔ 19، پیدوار اٹی کمتی، لاجسٹک کاسٹ اٹ ودکی اتون نہاد آتے ٹی ودکی مسنے۔ اقوام متحدہ نا ادارہ خور وکشت وکشار(یواین ایف اے او) نا رپورٹ نار داٹ فروری 2020آن اگست 2021کنوئی آ گڑاتا نہادآتے ٹی جہانی کہول آ 127درسد ودکی مسنے، کنوئی آ گڑاتے ٹی داودکی 10سال آتے ٹی غٹ آن زیات ءِ، پاکستان 70درسد دال و کنوئی آ تیل درآمد کیک، اوکان پد ہم گچین حکومتی پالیسی تا سوب آن کبینی نا جہانی کہول انا کچ انا پورو اثر ءِ منتقل مننگ کن الیتو۔ اوپارے کہ حکومت غذائی رکھ آ کاریم کننگ ءِ، مستین اٹ ن لیگ کاٹن ایریاٹی شوگر ملک خلک و ہموڑے گنڈیری نا دسنگ نا بناءِ کرے۔ وزیر مملکت فرخ حبیب پارے کہ کم کٹیا و نیامی تپہ کن 1000ارب نا ہنکینی و کمرشل ڈٹ منظور مس ہرافتا زرگزرانی اثر 5000ارب ءِ۔ اوپارے کہ مزور تپہ نا کٹیا ٹی ہم ودکی مسنے، 500آن 600روپئی دیہاڑی ہلوک آ اینو 1000آن1200، مستری 2500روپئی اسکان دیہاڑی ہلنگ ءُ۔ اینو فیصل آباد اٹی غٹ پاورلومز آک فعال ءُ۔ اوپارے کہ وزیراعظم عمران خان نا کوویڈ۔ 19تون مون تننگ نا پالیسی نا دنیا ستاءِ کننگ ءِ، اکانومسٹ پاکستانی زرگزران ءِ گچین گوندا۔ مریم و بلاول تو بناٹی پورو لاک ڈاؤن نا خواست ءِ کریرہ، اوفتے مزور و دیہاڑی دارآتون ہچ ءُ کاریم اس الوکہ۔
