APP03-140921 ISLAMABAD: September 14 - Federal Minister for Finance and Revenue Shaukat Tarin, Minister of State for Information and Broadcasting Farrukh Habib and Special Assistant to Prime Minister on Food Security Jamshed Iqbal Cheema jointly addressing a press conference at PID Media Center. APP photo by Saeed-ul-Mulk

اسلام آباد۔ 14ستمبر (اے پی پی) وزیر خزانہ شوکت ترین پارینے کہ زرگزران اٹ گچینی آن ریونیو ودنگ ءِ، ہندا تُو سرسہب پاکستان پروگرام نا بناءِ کینہ، 40آن 60لکھ خاہوت ءِ تینا نت تیاسلفنگ نا موقع ملک، حقدار بندغ آتے ٹارگٹڈ سبسڈی ایتنہ، جان جوڑی کارڈ انا دنگ ءِ پین ودفنگ آن مخلوق ءِ فائدہ مریک، حکومت الس نا کٹیا ٹی ودکی کن کاریم کننگ ءِ، پاکستان کوویڈ۔ 19آن پد ہم 10مون آ بروک آ زرگزران تیٹی اوار ءِ، ہرہفتہ زرگزران نا حالیت آتیان الس ءِ معلومدار کینہ۔ سے شنبے نادے آ وزیر مملکت حوالکاری و شینکاری فرخ حبیب و وزیراعظم نا خصوصی کمکار فوڈ سیکورٹی جمشید اقبال چیمہ تون اوار پریس کانفرنس اٹ وزیر خزانہ پارے کہ زرگزران سوگو مننگ ءِ شیفکو تپہ ءِ کیس سبسڈی تننگک، 34درسد الس ءِ تدوک آ سال انا نہاد آ نُت ایتنہ، روپئی نا قدر اٹی کمتی نا سوب آن وام تیٹی ودکی مسنے، نت و کنوئی آ گڑاتیا ٹارگٹڈ کیش سبسڈی ایتنہ، زرگزران مون آ کاہک تو تنخواک ہم ودرہ، اوغانستان تون کاروبار کن ہندی کرنسی نا کاریم اٹ اتنگ نا ہیت چلینگ انگ ءِ۔ وزیرخزانہ پارے کہ ملکی گرج آتے پورو کننگ کن داوخت آ نن دال، خولم، سی اتون اوار چندی کنوئی آ گڑادرآمد کینہ، درآمد آتیا سیبو ءِ کم کننگ کن ننے کشت وکشار آ چکار کروئی مریک و اختہ مروک کشارگرآتا خیال ءِ تخوئی مریک۔ اوپارے کہ نننے تینا داڑے کبین آ گڑاتا درآمد ءِ کم کروئی مریک۔ اوپارے کہ تدوک آ دور تے ٹی کشت وکشار آ جوان چکار کننگتو، بزغر ءِ اونا سہی حق ملیپک۔ اوپارے کہ بھلا منافع خوری ءِ تورنہ۔ دوئی ملکی کوڑی تے سوگوی تننگ کن ہم گام گیج کننگ اُن۔ اوپارے کہ خولم نا کمکی نہاد 1950روپئی فی من کرینن ہراڑآن کشارگرآتے فائدہ مسنے۔ تدوک آ چندی سال آن خولم نا نہاد برقرار سلنگ آن خولم نا پیدوار اٹی ودکی متنے۔ اومیت ءِ کہ نُت انا نہاد کم مریک۔ اوپارے کہ ہنداتُو آن ٹارگٹ سبسڈی ایتنہ۔ مہالو بیرہ گیس و بجلی آ سبسڈی تسنہ۔ داسہ نُت و کنوئی آ گڑاتیا ٹارگٹڈ کیش سبسڈی ایتنہ۔ ننے ویئر ہاؤسز و کولڈ سٹوریج جوڑ کروئی ءِ۔ اوپارے کہ جہانی مارکیٹ ٹ بورہ، خولم و کنوئی آ تیل انا نہاد70آن 95درسد اسکان ودانے۔ نن جہانی مارکیٹ آن اسہ کنڈ ہندی کہول آ بورہ، خولم و کنوئی آ تیل تا نہاد آتے 15آن 20درسد ودفین۔