اسلام آباد۔ 14ستمبر (اے پی پی) بنجائی وزیر ڈٹ بندی شونداری اصلاحات و خصوصی گام گیج و نیشنل کمانڈ اینڈ آپریشن سینٹر نا سروک اسدعمر پارینے کہ 16ستمبر آن 50درسد حاضری اتون تعلیمی ادارہ غاتے ملنگک، کورونا دین انا چارمیکو ریسہ نا شدت اٹ پدریسہ کمتی بننگ ءِ، 50درسد مسافر آتون پبلک ٹرانسپورٹ ءِ ملنگ نا فیصلہ ءِ کرینن وخت اس کہ پنچ شنبے آن تعلیمی ادارہ غاتے ہم ملنگک، اسلام آباد نا 52درسد آبادی نا ویکسی نیشن مسنے۔ داخیال آتا درشانی ءِ او سے شنبے نادے آ این سی او سی ٹی نیوز کانفرنس اٹ کرے۔ اوپارے کہ ہسپتال آتے ٹی انتہائی نگہداشت نا وارڈ اٹی کوویڈ۔ 19نا ناجوڑ آتا زور ءِ، کوشست ءِ آکسیجن نا فراوانی ٹی اڑنگ بف۔ منہ ہفتہ ٹی آکسیجن نا خواست اٹی ودکی مس، دین اناحالیت گچین مسنے ولے خطرہ پورو وڑاٹ چٹتنے، کوویڈ۔ 19نا 5300ناجوڑ ہسپتال آتے ٹی آکسیجن آٹو، لاپرواہی، ایس او پی تے گوجالنگ کورونا کیس آتے ٹی ودکی نا سوب مسنے۔ اسد عمر پارے کہ 24آن 18ضلع غاتے ٹی دین انا حالیت آتے ٹی گچینی بسنے، 6ضلع غاتے ٹی بندش برجاسلک۔ اوضلع غاتے ٹی لاہور، فیصل آباد،ملتان، سرگودھا، گجرات و بنوں اوار ءُ، 6ضلع غاتے ٹی آؤٹ ڈور ڈائننگ نا ٹائم ءِ ودفسا 12بجہ اسکان کننگ انگ ءِ۔ اوپارے کہ نن ملک انا 24ضلع غاتے ٹی کیس آتا کچ انا رداٹ 4آن 15ستمبراسکان زیات بندش خلکوسن ولے دافتیان 18ضلع غاتے ٹی حالیت آک گچین مسنو۔ اوپارے کہ ہندا 18ضلع غاتے ٹی ہم کورونا پابندیک برجاسلرہ ہراوڑ ملک انا ایلو بشخ آتے ٹی ءُ وخت اس کہ ایلو 6ضلع غاتے ٹی زیات بندش برجاسلک۔ اسدعمر پارے کہ لاہور، فیصل آباد، ملتان، سرگودھا، گجرات و بنوں ٹی کورونا نا بابت حالیت آک گچین مون آ بتنو ہنداخاطرآن ہند اضلع غاتے ٹی بے کچ درجہ نا بندش 22تاریخ اسکان برجاسلک۔ اوپارے کہ بے کچ درجہ نا چندی پابندی تیان منٹ ءِ چٹفنگ اُن ہرافتے ٹی انٹرسٹی ٹرانسپورٹ فعال کننگ ناموکل تننگ انگ ءِ ولے بس آتے ٹی مسافرآتا کچ نیمہ مریک۔
