اسلام آباد۔ 14ستمبر (اے پی پی) سپریم کورٹ انا سینئر انگا جج جسٹس عمر عطابندیال قائم مقام چیف جسٹس آف پاکستان نا سوغند ہرفے۔ سے شنبے نادے آ داڑے عدالت عظمیٰ آن جاری سرجم حوال آتا رداٹ جسٹس مقبول باقر جسٹس عمر عطابندیال آن سادہ و پروقار دودا ٹ قائم مقام چیف جسٹس آف پاکستان نا عہدہ نا سوغند ہلک۔ دود اٹی اٹارنی جنرل خالد جاوید خان، سینئر وکلاء، بارنمائندگان و لاء آفیسر آک بشخ ہلکر۔ یات سلے کہ چیف جسٹس آف پاکستان جسٹس گلزار احمد پیشن نا ملک نجی دورہ غا ہنانے۔ چیف جسٹس گلزار احمد نا ملک اٹ ساڑی مفننگ نا وخت آ عدالت عظمیٰ نا سینئر انگا جج جسٹس عمرعطابندیال قائم مقام چیف جسٹس آف پاکستان نا فرض ءِ سرایتک۔
