اسلام آباد۔ 14ستمبر (اے پی پی) پاکستان انٹرنیشنل ایئر لائن (پی آئی اے) نا چیف ایگزیکٹیو آفیسر ایئر مارشل (ر) ارشدملک پارینے کہ پی آئی اے نا لیز آ دوئی کروک ایئر بس جہاز اسلام آباد آ سرمسنے۔ سے شنبے نادے آ تینا بیان اٹی اوپارے کہ پی آئی اے ٹینڈر نا کمک اٹ اِراجہاز دوئی کرینے۔ ارٹ میکو جہاز منہ دے اسکان پاکستان آ سرمریک۔ ہڑتوم آ جہاز آک …
پی آئی اے نا لیز آ دوئی کروک ایئربسجہاز اسلام آباد آ سرمسنے، ایئر مارشل (ر) ارشد ملک
گیشتریں ھال
اسلام آباد۔ 14ستمبر (اے پی پی) پاکستان انٹرنیشنل ایئر لائن (پی آئی اے) نا چیف ایگزیکٹیو آفیسر ایئر مارشل (ر) ارشدملک پارینے کہ پی آئی اے نا لیز آ دوئی کروک ایئر بس جہاز اسلام آباد آ سرمسنے۔ سے شنبے نادے آ تینا بیان اٹی اوپارے کہ پی آئی اے ٹینڈر نا کمک اٹ اِراجہاز دوئی کرینے۔ ارٹ میکو جہاز منہ دے اسکان پاکستان آ سرمریک۔ ہڑتوم آ جہاز آک 2017ساخت انا ءُ۔ اوپارے کہ کوویڈ وجہانی ہوابازی نا حالیت آتا سوب پی آئی اے تدوک آ اِراسال آن جہاز دوئی کننگ کتو۔ جہاز پی آئی اے نا بیڑہ نا متکن آ جہاز آتے بدل کیک۔ اوپارے کہ داجہاز آتیان پی آئی اے تینا مہمان تے گچین و آرام دہ سفری آسراتی ایتک۔ پوسکن آ جہاز آتا دوئی کننگ اللہ نا مہربانی و کنا ٹیم انا کوشست آتیان مس۔ دااللہ نا خاص ءُ کرم و کنا ٹیم انا دے و نن نا خواری نا بھرم ءِ۔ داوخت آ سی ای او پی اے خصوصی وڑٹ پی آئی اے نا بورڈ آف ڈائریکٹرو وزیر ہوابازی نا ہم منت واری ءِ ہرفے۔
