اسلام آباد۔ 14ستمبر (اے پی پی) سینیٹ نا قائمہ کمیٹی حوالکاری و شینکاری نا چیئرمین سینیٹر فیصل جاوید پارینے کہ وزیراعظم عمران خان آجوئی درشانی آ پورو یخین تخک و صحافت آ ہچ وڑنا پابندی خلپنہ، جعلی حوال آک اینو بھلو چیلنج اس جوڑ مسنو۔ سے شنبے نادے آ تینا اسہ بیان اسے ٹی اوپارے کہ جعلی حوال آک اینو ہم بھلو چیلنج اس جوڑ مسنو، حوال آتا نظام اسہ کنڈی و متنازعہ مسنے۔ اوپارے کہ دوبہ خلنگ نا توننگ نا کانود نا سوگوی و کسبی صحافت نا مون آ دننگ نا کمک اٹ جعلی خبرآتون مون تروئی مریک، جعلی خبرآتا پیدواری ءِ کننگ کن الگورتھم و کراؤڈ سورسنگ کون آ ٹیکنالوجی نا سیبو ءِ ہلنگ مریک۔ سینیٹر فیصل جاوید پارے کہ وزیراعظم عمران خان آجوئی درشانی آ پورو یخین تخک، وزیراعظم آجوئی صحافت آ ہچ وڑنا پابندی خلپک۔ اوپارے کہ تحریک انصاف نا منشور اٹی نوشتہ ءِ کہ نن پبی آجوئی نا حامل میڈیا نا مخ تف اُن۔
