اسلام آباد۔13ستمبر (اے پی پی):صدر مملکت ڈاکٹر عارف علوی ءَ سیمی پارلیمانی سال ءِ گڈ ءَ چارمی پارلیمانی سال ءِ بنگیج ءِ رد ءَ پارلیمان ءِ باسک آناں مبارک بات دیان ءَ گوشت کہ گوستگیں سئے سالی حکومتی کار کرد ءِ رد ءَ ملک نوکیں ءُ پازیٹیو کشک ءَ رھادگ انت، پاکستان کورونا ھوپ ءَ ابید دگنیا ءِ رد ءَ معاشی رنگ ءَ گہتریں کار کرد ءِ شرپ در جتگ، ایشی ءِ نمبگ آنی کساس 3.94 درسد بوتگ، برآمدات 25 ارب 30 کروڑ ڈالر وھدیکہ ترسیلات ءِ زر 19 ارب 30 کروڑ ڈالر ءِ ریکاٹی ایں تک ءَ انت۔ دو شمبے ءَ پارلیمنٹ ءِ یکجائی دیوان ءَ گوں گشتانک دیان ءَ صدر ءِ مملکت ڈاکٹر عارف علوی ءَ گوشت کہ سٹاک ایکسچینج ءَ سرمایہ کاری ءِ گوست ءَ توامیں ریکاٹ پرشتگ انت۔ اے ایشیا ءِ گہتریں ءُ دگنیا ءِ چارمی گہتریں کار کرد ءِ شرپ در جتگ۔ آئی ءَ گوشت کہ دو سال ءَ چہ پیسر میاں اوستمانی بنک ءَ پاکستان ءَ کاروبار ءَ آسانی ءِ ھوالگ ءَ 28 درجگ گہتری ءِ سیم سر بوتگ وھدیکہ ڈن ملکی سرمایہ کار آںی پاکستنا ءَ کاروبا ءِ ھوالگ ءَ 60 درسد گیشی بوتگ۔ آئی ءَ گوشت کہ ایف بی آر ءَ 2202-21 ءَ 4 ہزار 732 ارب کلدار ءِ وام در جتگ وھدیکہ گوزوکیں سال ءِ دو ماہ ءَ سیم سر ءَ چہ 160 ارب کلدار ءَ چہ گیش در جتگ۔ توامیں ھساب ےُ داد آنی نیمگ ءَ حکومت ءِ سر ءَ دل یکیمی انت۔ حکومتی گامگیج آنی سبب ءَ آئی ٹی برآمدات آنی تہ ءَ 47 درسد گیشی بوتگ۔ انوگ ءَ تاں 17 لکھ ورنا آناں کزبی ھیل کاری داتگ۔ گریب ءُ بزگر آنی واستہ وتی چھت ءِ پجاری ءِ واستہ ہائوسنگ ءِ ھاسیں منصوبگ بندات کنگ بوتگ۔ پاکستان ءَ ورنا آناں بلد کار جوڑ کنگ ءِ واستہ جتا جتائیں منصوبگ بندات کنگ بوتگ۔ حکومتی کار کرد ءُ کامیاتی ءَ را ڈاھ ءُ شور ءَ چہ دارگ بیت نہ کنت۔
