ملتان۔13ستمبر (اے پی پی):پاکستان تحریک انصاف زربائی پنجاپ ءِ نوک گچین بوتگیں صدر سینیٹر عون عباس بپی ءَ گوشت کہ زر باری پنجاپ ءِ توامیں ضلع آنی تہ ءَ ورکرز کنونشن ءِ برجائی ءَ کنان ءَ گچین بوتگیں نماھندگ ، ضلعی کارندہ ءُ باسک آنی نیام ءَ وت مہ وتی پیداک کنگ منی اول سرئی کار آنی تہ ءَ ھوار انت۔ آیوکیں بلدیاتی گچین کاری ءَ گیشاں چہ گیش کامیاتی در جنان ءَ پاکستان تحریک انصاف یک رند ءِ پد ءَ سہرا کنگ کہ آ ملک ءِ نامدار تریں پارٹی انت۔ وزیر ءِ درئی کار شاہ محمود قریشی ءِ گوما یکجائی ءَ کنان کنگ ءَ چہ زر باری پنجاپ ءِ الس آناں سیت رس ایت۔ ازمکاریں ءُ بلدیں ورنا ناں ایوک ءَ تحریک انصاف بلکینگ ءَ ملک ءِ برورد انت۔ عمران خان یک سسا، لیکہ ءُ فلسفہ ءِ نام انت۔ اے ھیالانی درشانی آئی ءَ “اے پی پی” ءَ گوں ھاسیں تران کنان ءَ کت۔ عون عباس بپی ءَ گوشت کہ مزن وزیر عمران خان ءِ گوں دل ءِ جھلانکاں گوں شگر ءُ منت وار آں۔ آئی ءَ منی سر ءَ یکیم کتگ ءُ زر باری پنجاپ ءِ صدر گچین کتگ۔ آئی ءَ گوشت کہ من باسک، ءُ گچین بوتگیں کارندہ ءُ ضلعی کارندہ آنی نیام ءَ جوانیں یکوئی ءِ برجا کنگ ءِ ٹاسک دیگ بوتگ، اے مول ءُ مراد ءِ واستہ وتی توامیں ازمکاری آناں کارمرز کناں ایشی ءِ واستہ ما ھمک ھپتگ زر باری پنجاپ ءِ توامیں ضلع آنی ورکرز کنونشن کناں۔ آئی ءَ گوشت کہ پاکستان تحریک انصاف 2023 ءِ الیکشن مزنیں گیشی ءَ گوں باج برتگ۔ آئی ءَ گوشت کہ حکومت گران بھائی ءِ گر ءُ دار ، روزگار ءِ موہ پیداک کنگ ءِ واستہ جوانیں گامگیج کنگ ءَ انت۔ ایشی ءَ ابید حکومت ءَ مافیا ءَ را باز جوانی ءَ گوں ایکسپوز کتگ۔ نوں ھرکس کرپشن کنت آ سہرا بیت آئی ءِ ھلاپ ءَ ترندیں کاروائی کنگ بیت۔ آئی ءَ گوشت کہ مسلم لیگ ن ءَ زر باری پنجاپ صوبگ ءِ برجائی ءِ ھوالگ ءَ ھما شیطانی بندات کنگ بوتگ ایشرا ما ھلاس کناں ءُ بہالپور ءُ ملتان ءَ جتا جتائیں سیکرٹریٹ جوڑ کنگ ءَ آں۔ ایشی ءَ ابید پنجاپ حکومت ءَ ادا زبھری ءُ ڈکالی ءِ ھلاسی ءِ واستہ زرباری پنجاپ ءَ جتائیں بجٹ ءِ گیشینت بوتگ۔ یات دارگ بہ بیت کہ عون عباس بپی پاکستان تحریک انصاف زر باری پنجاپ ءِ صدر گچین بوھوگ ءِ پد ءَ وھد ءِ ملتان ءَ پج ات گڈا باسک آں آرا گوں جوانیں ءَ وش اتک کت۔ آواں چاپ ءُ ناچ ءَ ابید پاکستان زندہ باد ءُ تحریک انصاف زندہ باد ءِ نہردگ جت۔ ملتان ءَ چہ پد عون عباس بپی ءَ ضلع بہاولنگر ءِ تر ءُ تاب کت ءُ ڈسٹرکٹ کوارڈینیشن کمیٹی ءِ دیوان ءَ بھر زوری کت ایشی ءِ تہءَ چیف آرگنائزر پاکستان تحریک انصاف سینیٹر سیف اللہ خان نیازی، ممبر راجی اسمبلی میاں عبدالغفار، صوبائی وزیرعشر وزکوة میاں شوکت علی لالیکا، انفارمیشن سیکرٹری زرباری پنجاپ سہیل خان ءَ ابید ایندگر ضلعی کارندہ آں بھر زوری کت۔ دیوان ءَ دیمروئی سکیم آناں گیشینتگیں وھد ءُ پاس ءَ سرجم بوھگ ءِ واستہ توامیں گامگیج آناں کارمرز کنگ ءِ پنت ءُ شون کنگ بوت۔ ایشی ءَ ابید سرجمٰں ضلع ءَ ھمک سال دیمروئی پروگرام ءِ بابت ءَ بریفنگ دیان ءَ گوشت کہ اے وھد ءَ 133 دیمروئی سکیم آنی سر ءَ کار جاڑی انت۔ اے موہ ءِ سر ءَ عون عباس بپی ءَ گوشت کہ زرباری پنجاپ ءَ جاڑیگیں دیمروئی منصوبگ آناں وھد ءُ موہ ءِ سر ءَ سرجم کنگ بہ بیت تانکہ الس آنی زندمان ءِ تہ ءَ آسانی پیداک کنگ بہ بیت۔
